വാളയാർ കേസിൽ പുനർ വിചാരണ; രണ്ട് പ്രതികളെ ജുഡീഷ്യൽ കസ്റ്റഡിയിൽ വിട്ടു

 പ്രതികളായ വി മധു, ഷിബു എന്നിവരെയാണ് ജ്യുഡീഷ്യൽ കസ്റ്റഡിയിൽ വിട്ടത്. മറ്റൊരു പ്രതിയായ എം.മധുവിന് ഹൈക്കോടതി നൽകിയ ജാമ്യം തുടരും. 

പാലക്കാട്: പുനര്‍ വിചാരണ നടക്കുന്ന വാളയാർ കേസിൽ പാലക്കാട് പോക്സോ കോടതി രണ്ട് പ്രതികളെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു. പ്രതികളായ വി മധു, ഷിബു എന്നിവരെയാണ് ജ്യുഡീഷ്യൽ കസ്റ്റഡിയിൽ വിട്ടത്. മറ്റൊരു പ്രതിയായ എം.മധുവിന് ഹൈക്കോടതി നൽകിയ ജാമ്യം തുടരും. രണ്ടു പ്രതികളുടെയും ജാമ്യാപേക്ഷ ജനുവരി 22 ന് കോടതി പരിഗണിക്കും

വാളയാർ കേസില്‍ ഹൈക്കോടതി ഉത്തരവിന്‍റെ അടിസ്ഥാനത്തിലാണ് പാലക്കാട് പോക്സോ കോടതിയില്‍ പുനര്‍ വിചാരണ നടപടികൾ ആരംഭിക്കുന്നത്. പ്രതികളെ കുറ്റവിമുക്തരാക്കിയ അതേ കോടതിയില്‍ തന്നെയാണ് പുനര്‍വിചാരണ നടപടികളും നടക്കുന്നത്. കേസ് സിബിഐക്ക് വിടാൻ ഇനിയും സാങ്കേതിക നടപടിക്രമങ്ങൾ സർക്കാരിന് പൂർത്തിയാക്കേണ്ടതുണ്ട്.