മലപ്പുറം വെട്ടം പഞ്ചായത്തിൽ സിപിഎമ്മിന് വെൽഫെയർ പാർട്ടി പിന്തുണ

വെൽഫെയർ പാർട്ടി പിന്തുണയോടെ സി പി എം അംഗം കെ ടി  റുബീന ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സനായി തെരഞ്ഞെടുക്കപ്പെട്ടു.

മലപ്പുറം: വെട്ടം പഞ്ചായത്തിൽ സിപിഎമ്മിന് വെൽഫെയർ പാർട്ടിയുടെ പിന്തുണ. വെൽഫെയർ പാർട്ടി പിന്തുണയോടെ സി പി എം അംഗം കെ ടി  റുബീന ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സനായി തെരഞ്ഞെടുക്കപ്പെട്ടു.

ക്ഷേമകാര്യസ്റ്റാൻഡിം​ഗ് കമ്മിറ്റിയിൽ അഞ്ച് അം​ഗങ്ങളാണുള്ളത്. എൽ‌ഡിഎഫിന് രണ്ട് യുഡിഎഫിന് രണ്ട് വെൽഫെയർ പാർട്ടിക്ക് ഒന്ന് എന്നിങ്ങനെയായിരുന്നു അം​ഗങ്ങൾ. വെൽഫെയർ പാർട്ടി അം​ഗത്തിന്റെ വോട്ട് കൂടി കിട്ടിയതോടെ രണ്ടിനെതിരെ മൂന്ന് വോട്ടുകൾക്ക് സിപിഎം അം​ഗം ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സനായി തെരഞ്ഞെടുക്കപ്പെടുകയായിരുന്നു. 

20 അം​ഗങ്ങളുള്ള വെട്ടം പഞ്ചായത്തിൽ എൽഡിഎഫ് 9 യുഡിഎഫ് 10 വെൽഫെയർ പാർട്ടി 1 എന്നിങ്ങനെയാണ് കക്ഷിനില. പ്രസിഡന്റ്, വൈസ് പ്രസിഡന്റ് തെരഞ്ഞെടുപ്പിൽ നിന്ന് വെൽഫെയർ പാർട്ടി വിട്ടുനിന്നിരുന്നു.