ചില കാര്യങ്ങള്‍ കൂടി ശ്രദ്ധിച്ചാല്‍ ക്യാന്‍സര്‍ സാധ്യത ഇല്ലാതാക്കാമെന്നാണ് ഈ രോഗത്തിനെതിരെ പോരാടാന്‍ ജീവിതം തന്നെ ഉഴിഞ്ഞുവെച്ച ഡോ. ഡ്വെയ്റ്റ് മക്കീ പറയുന്നത്. ക്യാന്‍സര്‍ സാധ്യത പരമാവധി ഒഴിവാക്കാന്‍ ഡോ. ഡ്വെയ്റ്റ് മക്കീ നിര്‍ദ്ദേശിക്കുന്ന 4 കാര്യങ്ങള്‍...
1, മാനസികസമ്മര്‍ദ്ദം ഒഴിവാക്കണം- കടുത്ത മാനസികസമ്മര്‍ദ്ദമുള്ളവര്‍ക്ക് ശരീരത്തിന്റെ പ്രതിരോധ പ്രവര്‍ത്തനങ്ങളില്‍ അപചയം സംഭവിക്കും. ഇത് ക്യാന്‍സര്‍ സാധ്യത വര്‍ദ്ധിപ്പിക്കും. മാനസികസമ്മര്‍ദ്ദമുള്ളവര്‍ യോഗ, ധ്യാനം എന്നിവ ശീലമാക്കണം. ആവശ്യമെങ്കില്‍ കൗണ്‍സിലിങിന് വിധേയമാകണം. സന്തോഷകരമായി ജീവിക്കാന്‍ ആവശ്യമുള്ളത് ചെയ്യുക.
2, വ്യായാമം മുടക്കരുത്- കോശങ്ങള്‍ക്ക് പ്രതിരോധ ശേഷി കുറയുമ്പോഴാണ് ക്യാന്‍സര്‍ ആക്രമിക്കുന്നത്. ദിവസേന കുറഞ്ഞത് ഒരു മണിക്കൂറെങ്കിലും വ്യായാമം ചെയ്യുന്നത് നമുക്ക് ആരോഗ്യവും ഉന്‍മേഷവും നല്‍കും. ഈ ആരോഗ്യവും ഉന്‍മേഷവും കോശങ്ങളുടെ പ്രതിരോധശേഷി വര്‍ദ്ധിപ്പിക്കുകയും ചെയ്യും.
3, സാമൂഹികപ്രവര്‍ത്തനങ്ങള്‍ ശീലമാക്കുക- സമൂഹത്തില്‍ സഹായിക്കേണ്ടവരെ സഹായിക്കുക. രക്തദാനം പോലെയുള്ള കാര്യങ്ങളില്‍നിന്ന് മാറിനില്‍ക്കരുത്. ഇങ്ങനെ മറ്റുള്ളവരെ സഹായിക്കുമ്പോള്‍, ശാരീരികവും മാനസികവുമായി ഉന്‍മേഷം ലഭിക്കും. ഇത് ശരീരത്തിന്റെ പ്രതിരോധശേഷി വര്‍ദ്ധിപ്പിക്കുമെന്നാണ് ഡോ. മക്കീ പറയുന്നത്.
4, ഫുഡ് സപ്ലിമെന്റുകള്‍ ശീലമാക്കണം- നമ്മള്‍ കഴിക്കുന്ന ഭക്ഷണത്തില്‍നിന്ന് ശരീരത്തിന് ആവശ്യമായ എല്ലാ പോഷണവും ലഭ്യമാകണമെന്നില്ല. ക്യാന്‍സര്‍ സാധ്യത ഇല്ലാതാക്കുന്നതില്‍ വൈറ്റമിന്‍ ഡി പോലെയുള്ളവ അത്യന്താപേക്ഷിതമാണ്. എന്നാല്‍ ഇത് ഭക്ഷണത്തിലൂടെ ശരിരായ അളവില്‍ നമുക്ക് ലഭ്യമാകില്ല. അതുകൊണ്ടുതന്നെ വൈറ്റമിന്‍ ഡി അടങ്ങിയ ഫുഡ് സപ്ലിമെന്റ് ശീലമാക്കണം.