കൊളസ്ട്രോള് കുറയ്ക്കാന് അഞ്ച് പഴങ്ങള്
Synopsis
കൊളസ്ട്രോള് രോഗികള് ഭക്ഷണക്കാര്യത്തില് വളരെയധികം ശ്രദ്ധ പുലര്ത്തണം
പ്രായഭേദമന്യേ എല്ലാവര്ക്കും ദുരിതം തീര്ക്കുന്ന ഒന്നാണ് കൊളസ്ട്രോള്. കൊളസ്ട്രോളിന്റെ അളവ് കൂടുതലായാല് ഹൃദയാഘാത സാധ്യതകള് വര്ധിക്കും. ഹൃദയപ്രശ്നങ്ങളുള്പ്പെടെ പല പ്രശ്നങ്ങള്ക്കും വഴി വയ്ക്കുന്ന ഒന്നാണ് കൊളസ്ട്രോള്. ശരീരത്തില് നല്ല കൊളസ്ട്രോളും ചീത്ത കൊളസ്ട്രോളുമുണ്ട്. നല്ല കൊളസ്ട്രോള് ഗുണങ്ങളാണ് വരുത്തുന്നത്. ഇത് എച്ച്ഡിഎല് കൊളസ്ട്രോള് എന്നാണ് അറിയപ്പെടുന്നത്. ചീത്ത കൊളസ്ട്രോള് എല്ഡിഎല് കൊളസ്ട്രോളാണ്. കൊളസ്ട്രോള് അധികമാകുമ്പോള് ഇത് രക്തധമനികളില് അടിഞ്ഞു കൂടും. ഹൃദയത്തിലേയ്ക്കുള്ള രക്തപ്രവാഹം തടസപ്പെടുകയും ചെയ്യും. ഇത് ഹാര്ട്ട് അറ്റാക്ക് അടക്കമുളള് പല പ്രശ്നങ്ങളിലേയ്ക്കു വഴി വയ്ക്കും.
കൊളസ്ട്രോള് രോഗികള് ഭക്ഷണക്കാര്യത്തില് വളരെയധികം ശ്രദ്ധ പുലര്ത്തണം. കൊളസ്ട്രോള് രോഗികള്ക്ക് കഴിക്കാവുന്ന ചില പഴവര്ഗങ്ങള് നോക്കാം.
1. വെണ്ണപ്പഴം
കൊളസ്ട്രോള് രോഗികള് അവകാഡോ അല്ലെങ്കില് വെണ്ണപ്പഴം കഴിക്കുന്നത് ഏറെ നല്ലതാണ്. വെണ്ണപ്പഴത്തില് അടങ്ങിയിരിക്കുന്ന വിറ്റാമിന് കെ, സി, ബി5, ബി6, ഇ, ആന്റിഓക്സിഡന്റുകള് എന്നിവ ഹൃദയത്തെ സംരക്ഷിക്കും. കൂടാതെ സ്ട്രോക് വരാതിരിക്കാനും വെണ്ണപ്പഴം കഴിക്കുന്നത് നല്ലതാണ്. രക്തസമ്മര്ദ്ദം ഉളളവര്ക്കും വെണ്ണപ്പഴം കഴിക്കുന്നത് നല്ലതാണ്.
2. തക്കാളി
വിറ്റാമിൻ, ധാതുക്കൾ എന്നിവ ധാരാളം അടങ്ങിയിട്ടുളളതാണ് തക്കാളി. ഇതിലുള്ള അയൺ, പൊട്ടാസ്യം, ക്രോമിയം തുടങ്ങിയവയെല്ലാം തക്കാളിയുടെ ഗുണം കൂട്ടുന്നു. തക്കാളിയില് അടങ്ങിയിരിക്കുന്ന വിറ്റാമിന് എ,ബി,കെ,സി എന്നിവ കണ്ണുകള്ക്കും ത്വക്കിനും ഹൃദയത്തിനും നല്ലതാണ്. പൊട്ടാസ്യം ഹൃദയസംരക്ഷണത്തിനും നല്ലതാണ്. അതിനാല് തന്നെ തക്കാളി കൊളസ്ട്രോള്, രക്ത സമ്മര്ദ്ദം, സ്ട്രോക് എന്നിവ തടയാന് സഹായിക്കും.
3. ആപ്പിള്
ദിവസവും ആപ്പിൾ കഴിച്ചാൽ ഡോക്ടറെ അകറ്റാം എന്നത് വെറുതെയല്ല. ഔഷധഗുണങ്ങളുടെ കലവറയാണ് ആപ്പിൾ. നിരവധി രോഗങ്ങളില് നിന്നും ആപ്പിള് സംരക്ഷിക്കുകയും ചെയ്യുന്നു. ഹൃദയാരോഗ്യത്തിന് ആപ്പിൾ വളരെ നല്ലതാണ്. ഹൃദയധമനികളിൽ കൊഴുപ്പടിഞ്ഞ് കൂടുന്നത് തടയാൻ ഇതിലടങ്ങിയിരിക്കുന്ന നാരുകള് സഹായിക്കും. ഇതിൽ ധാരാളമായി അടങ്ങിയിരിക്കുന്ന പോട്ടാസ്യവും മിനറൽസും രക്തത്തിലെ കൊളസ്ടോൾ നിയന്ത്രിച്ച് സ്ട്രോക്കു വരാതെ സംരക്ഷിക്കുന്നു.
4. സിട്രിക് ഫ്രൂട്ട്സ്
സിട്രിക് ആസിഡ് അടങ്ങിയിട്ടുളള സിട്രിക് പഴങ്ങള് ശരീരത്തിലെ കൊളസ്ടോൾ നിയന്ത്രിക്കും. നാരങ്ങ, ഓറഞ്ച്, മുന്തിരി എന്നിവയില് ധാരാളം സിട്രിക് ആസിഡ് അടങ്ങിയിട്ടുണ്ട്. അതിനാല് കൊളസ്ട്രോള് രോഗികള് പപ്പായ കഴിക്കുന്നത് വളരെ നല്ലതാണ്.
5. പപ്പായ
ഫൈബര് ധാരാളം അടങ്ങിയിട്ടുളള പപ്പായ ശരീരത്തിലെ രക്ത സമ്മര്ദ്ദം കുറയ്ക്കും കൊളസ്ടോൾ നിയന്ത്രിക്കുകയും ചെയ്യും. അതിനാല്
ഏഷ്യാനെറ്റ് ന്യൂസ് മലയാളത്തിലൂടെ Lifestyle News അറിയൂ. Food and Recipes, Health News തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam