5201314; ഇന്ത്യക്കാർ ഈ വർഷം ഏറ്റവും കൂടുതൽ ഗൂഗിളിൽ തിരഞ്ഞത് ഈ ചൈനീസ് നമ്പർ

ഒറ്റനോട്ടത്തിൽ ഒരു തീയതിയോ കോഡോ പോലെ തോന്നുമെങ്കിലും വളരെ റൊമാന്റിക് അർത്ഥമുള്ള ഈ സംഖ്യ വർഷം മുഴുവനും ഇന്ത്യൻ ഉപയോക്താക്കളെ ആശയക്കുഴപ്പത്തിലാക്കുന്നു എന്ന് ഗൂഗിളിന്‍റെ തിരയൽ റിപ്പോർട്ട് വ്യക്തമാക്കുന്നു.

എല്ലാ വർഷവും ഡിസംബർ മാസത്തിൽ സെർച്ച് എഞ്ചിനായ ഗൂഗിൾ ഏറ്റവും കൂടുതൽ തിരഞ്ഞ വാക്കുകളും ചോദ്യങ്ങളും ഉൾപ്പെടുന്ന റിപ്പോർട്ട് പുറത്തിറക്കുന്നു. 2025-ൽ ഇന്ത്യയുടെ തിരയൽ പ്രവണതകൾ സാംസ്‍‌കാരിക ജിജ്ഞാസയുടേയും വേഗത്തിൽ മാറിക്കൊണ്ടിരിക്കുന്ന ഡിജിറ്റൽ ശീലങ്ങളുടേയും ഒരു മിശ്രിതത്തെ പ്രതിഫലിപ്പിക്കുന്നത് ആണെന്നാണ് റിപ്പോർട്ടുകൾ. ഗൂഗിളിന്‍റെ മീനിംഗ് വിഭാഗത്തിലെ സെർച്ചിംഗിൽ ഒരു എൻട്രി വേറിട്ടു നിന്നു, ഒരു നിഗൂഢ ചൈനീസ് നമ്പറായ 5201314 ആയിരുന്നു ഇത്. ഒറ്റനോട്ടത്തിൽ ഒരു തീയതിയോ കോഡോ പോലെ തോന്നുമെങ്കിലും വളരെ റൊമാന്റിക് അർത്ഥമുള്ള ഈ സംഖ്യ വർഷം മുഴുവനും ഇന്ത്യൻ ഉപയോക്താക്കളെ ആശയക്കുഴപ്പത്തിലാക്കുന്നു എന്ന് ഗൂഗിളിന്‍റെ തിരയൽ റിപ്പോർട്ട് വ്യക്തമാക്കുന്നു.

'5201314' എന്ന സംഖ്യയുടെ യഥാർത്ഥ അർത്ഥമെന്താണ്?

ഈ സംഖ്യ യഥാർത്ഥത്തിൽ ഒരു ജനപ്രിയ ചൈനീസ് ഇന്‍റെർനെറ്റ് സ്ലാങ്ങാണ്. ഇത് സ്നേഹത്തിന്റെയും ആജീവനാന്ത സൗഹൃദത്തിന്റെയും പ്രതീകമായി ഉപയോഗിക്കുന്നു. ഇതിന്റെ അർത്ഥം ചൈനീസ് ഉച്ചാരണവുമായി ബന്ധപ്പെട്ടിരിക്കുന്നു. മാൻഡറിൻ ഭാഷയിൽ സംഖ്യകൾ എങ്ങനെ പറയുന്നു എന്നതിൽ നിന്നാണ് ഇതിന്റെ അർത്ഥം വരുന്നത്. 520 (വു എർ ലിംഗ്) എന്നത് മാൻഡറിനിൽ "വോ ഐ നി" എന്ന പദപ്രയോഗത്തോട് സാമ്യമുള്ളതാണ്. അതായത് "ഞാൻ നിന്നെ സ്നേഹിക്കുന്നു" എന്നാണ് ഈ വാക്കിന്‍റെ അർത്ഥം. അതേസമയം 1314 (യി സാൻ യി സി) എന്നത് "യി ഷെങ് യി ഷി" യോട് സാമ്യമുള്ളതാണ്. അതായത് "എന്റെ ജീവിതകാലം മുഴുവൻ" എന്നാണ് ഈ വാക്കുകളുടെ അർത്ഥം. ഈ രണ്ട് വാക്കുകളും കൂടിച്ചേർന്നാൽ, 5201314 എന്നതിന്‍റെ മുഴുവൻ അർത്ഥവും പുറത്തുവരുന്നു - "ഞാൻ നിന്നെ ജീവിതകാലം മുഴുവൻ സ്നേഹിക്കുന്നു".

ഈ നമ്പർ എവിടെ, എങ്ങനെ ഉപയോഗിക്കുന്നു?

ഇത് സോഷ്യൽ മീഡിയയിലും സന്ദേശങ്ങളിലും ഡൊമെയ്ൻ നാമങ്ങളുടെ ഭാഗമായി പോലും പലപ്പോഴും ഉപയോഗിക്കുന്ന ഒരു ഡിജിറ്റൽ കോഡാണ്. റിപ്പോർട്ടുകൾ പ്രകാരം, ചൈനയിലും മറ്റ് ഏഷ്യൻ രാജ്യങ്ങളിലും വർഷം മുഴുവനും ഈ സംഖ്യ ട്രെൻഡിലായിരുന്നു. ഇന്ത്യയിലെ വലിയ ജനസംഖ്യ ഇന്റർനെറ്റിൽ ഏറ്റവും കൂടുതൽ തിരഞ്ഞ നമ്പറുകളിൽ ഒന്നായി ഇതിനെ മാറ്റിയിരിക്കുന്നു. സോഷ്യൽ മീഡിയ പോസ്റ്റുകൾ, ചാറ്റ് സന്ദേശങ്ങൾ, ദമ്പതികളുടെ ഉപയോക്തൃനാമങ്ങൾ, തീയതികൾ, വെബ്‌സൈറ്റ് ഡൊമെയ്‌നുകൾ എന്നിവയിൽ പോലും ആളുകൾ ഈ നമ്പർ ഉപയോഗിച്ചിട്ടുണ്ട്.

ഏറ്റവും കൂടുതൽ തിരഞ്ഞ മറ്റ് ചില വാക്കുകൾ

5201314 എന്ന നമ്പറിന് പുറമേ, ഇന്ത്യൻ ഉപയോക്താക്കൾ മറ്റ് നിരവധി വാക്കുകളുടെ അർത്ഥങ്ങൾക്കായും ഗൂഗിളിൽ തിരഞ്ഞു. ഇതിൽ സീസ്‍ഫയർ, മോക്ക് ഡ്രിൽ, പൂക്കി, മെയ്ഡേ, സ്റ്റാംപീഡ്, ഈ സാല കപ്പ് നാംഡെ, നോൺസ്, ലാറ്റന്റ്, ഇൻസെൽ തുടങ്ങിയ വാക്കുകളും ഉൾപ്പെടുന്നു. ഇന്ത്യയിലെ നെറ്റിസൺസിന് വാർത്തകൾ, പോപ്പ് സംസ്‍കാരം, അന്താരാഷ്ട്ര ഭാഷ എന്നിവയിൽ കൂടുതൽ താൽപ്പര്യമുണ്ടെന്ന് ഈ പ്രവണത വ്യക്തമായി കാണിക്കുന്നു.