വെളുക്കാന്‍ തേച്ചത് പാണ്ടാകാതിരിക്കാന്‍ ഇവ ഉപയോഗിക്കാതിരിക്കുക

മുഖസൗന്ദര്യം വർധിപ്പിക്കാൻ വഴികൾ തേടാത്തവർ കുറവായിരിക്കും. സ്വന്തം നിലക്കും അല്ലാതെയുമായി ഇതിന്​ ശ്രമങ്ങൾ നടത്തുന്നു. എന്നാൽ നിങ്ങൾ സ്വന്തം നിലക്ക്​ നടത്തുന്ന മുഖസൗന്ദര്യ പരീക്ഷണങ്ങൾ പലതും അപകടകരമാണ്​. നല്ലതെന്ന് കേട്ടുകേൾവിയുടെ അടിസ്​ഥാനത്തിൽ മുഖത്ത്​ പുരട്ടുന്ന വസ്​തുക്കൾ എതിർഫലങ്ങൾ ഉണ്ടാക്കുന്നവയാണെന്ന്​ ചർമവിദഗ്​ദർ പറയുന്നു​. അത്തരം ചില വസ്​തുക്കൾ ഇതാ:

ഒായിൽ മയമുള്ള ചർമം ആള്‍ക്കഹോൾ ഉപയോഗിച്ച്​ തുടച്ചെടുക്കാമെന്നാണ്​ പൊതുധാരണ. എന്നാൽ ഇവ നിങ്ങളുടെ ചർമം ചുളിയാൻ ഇടയാക്കും. പ്രോട്ടീൻ, ​കൊഴുപ്പ്​ എന്നിവയെ ഇല്ലാതാക്കുകയും ചെയ്യും.

മുഖക്കുരു തടയും എന്ന ധാരണയിലാണ്​ മയോണൈസ്​ മുഖത്ത്​ പ്രയോഗിക്കുന്നത്​. എന്നാൽ ഇവയുടെ പ്രയോഗം മുഖത്തിന്​ ഹാനികരമാണ്​.

സൗന്ദര്യതാൽപര്യത്തിൽ മുഖത്ത്​ മുട്ടയുടെ വെള്ള പ്ര​േയാഗിക്കുന്നവർ ഏറെയാണ്​. എന്നാൽ ഇതിൽ അടങ്ങിയ സാൽമോണില്ല ബാക്​ടീരിയ അപകടകാരിയാണ്​. വേവിക്കാതെ മുട്ട കഴിക്കുന്നത്​ പലപ്പോഴും ഭക്ഷ്യവിഷബാധയായി മാറാനും ഇവയാണ്​ കാരണം. 

കറുത്ത പാടുകൾ നീക്കാൻ വ്യാപകമായി മുഖത്ത്​ ഉപയോഗിക്കുന്നവയാണ്​ ചെറുനാരങ്ങ നീര്​.  എന്നാൽ ഇവ അമ്ലഗുണമുള്ളവയായതിനാൽ ചർമത്തിന്​ ദോഷകരമാണ്​. 

പാചകത്തിന്​ ഉപയോഗിക്കുന്ന സോഡ പൊടിയും മുഖക്കുരു ഇല്ലാതാക്കാൻ പലരും ഉപയോഗിക്കാറുണ്ട്​. ഇത്​ ചർമത്തിന്‍റെ മുകളിലെ ആവരണത്തെ തന്നെ നശിപ്പിച്ചുകളയും. മുഖത്ത്​ അസ്വസ്​ഥതയും ചൊറിച്ചിലും അനുഭവപ്പെടാനും ഇത്​ വഴിവെക്കും. 

കറുവാപട്ട മുഖത്ത്​ ഉപയോഗിച്ചാൽ ചൊറിച്ചിലും അസ്വസ്​തയും അനുഭവപ്പെടും. മുഖകോശങ്ങളിലെ ഹൈഡ്രജ​ന്‍റെ സാന്നിധ്യവും ഇല്ലാതാക്കും.