കാമുകിയോ ഭാര്യയോ ഇല്ലെങ്കില്‍ ജീവിതച്ചെലവ് കൂടുമത്രെ!

ജീവിതത്തില്‍ ഒരു പ്രണയം കണ്ടെത്തുകയോ, വിവാഹം ചെയ്യുകയോ ചെയ്യുന്നവര്‍ പണം വളരെ സൂക്ഷിച്ചുമാത്രമെ ചെലവാക്കുകയുള്ളു. കൂടാതെ സമ്പാദ്യം നിക്ഷേപിക്കാനും ഇത്തരക്കാര്‍ ശ്രദ്ധിക്കുമെന്ന് പഠനത്തിന് നേതൃത്വം നല്‍കിയ ജോഷ്വ അക്കര്‍മാന്‍ പറയുന്നു. വിവാഹിതരും പ്രണയമുള്ളവരും പണം ചെലവഴിക്കുന്നതിന് മുമ്പ് രണ്ടാമതൊന്ന് ആലോചിക്കും. എന്നാല്‍ പ്രണയമില്ലാത്തവരും വിവാഹിതരല്ലാത്തവരും, പണം ചെലവഴിക്കുമ്പോള്‍, മറ്റൊന്നും ചിന്തിക്കാറില്ല. സമ്പാദ്യത്തെക്കുറിച്ചും അത്തരക്കാര്‍ക്ക് വലിയ ചിന്തകളും ഉണ്ടാകില്ല. ജോഷ്വ അക്കര്‍മാനും സംഘവും ചേര്‍ന്നു നടത്തിയ പഠനത്തിന്റെ റിപ്പോര്‍ട്ട്, സൈക്കോളജിക്കല്‍ സയന്‍സ് എന്ന ജേര്‍ണലില്‍ പ്രസിദ്ധീകരിച്ചിട്ടുണ്ട്.