എമി ജാക്സണ്‍ അമ്മയായി; കുഞ്ഞിന്‍റെ വീഡിയോ പങ്കുവെച്ച് താരം

കുഞ്ഞിനും ഭര്‍ത്താവിനുമൊപ്പമുള്ള ആശുപത്രിയില്‍ നിന്നുള്ള ചിത്രം എമി ഇന്‍സ്റ്റഗ്രാമിലൂടെ പങ്കുവെച്ചിരുന്നു. 

മദ്രാസ് പട്ടണം എന്ന തമിഴ് ചിത്രത്തിലൂടെയെത്തി ആരാധകരുടെ മനം കവര്‍ന്ന താരമാണ് എമി ജാക്സണ്‍. കഴിഞ്ഞ ദിവസമാണ് താരത്തിന് കുഞ്ഞു പിറന്നത്. കുഞ്ഞിനും ഭര്‍ത്താവിനുമൊപ്പമുള്ള ആശുപത്രിയില്‍ നിന്നുള്ള ചിത്രം എമി ഇന്‍സ്റ്റഗ്രാമിലൂടെ പങ്കുവെച്ചിരുന്നു. ഇതിന് പിന്നാലെ കുഞ്ഞിന്‍റെ വീഡിയോ പോസ്റ്റ് ചെയ്തിരിക്കുകയാണ് താരമിപ്പോള്‍. ആൻഡ്രിയാസ് എന്നാണ് കുഞ്ഞിന് പേരിട്ടിരിക്കുന്നത്. 

2015 മുതൽ പ്രണയത്തിലായിരുന്ന എമിയും പങ്കാളി ജോര്‍ജ്ജ് പനയോറ്റും ഈ വര്‍ഷം തുടക്കത്തിലാണ് വിവാഹനിശ്ചയം നടത്തിയത്. തന്റെ ഗർഭകാലത്തെ ഓരോ ഘട്ടവും ചിത്രങ്ങളിലൂടെ സോഷ്യൽ മീഡിയയില്‍ പങ്കുവച്ചിരുന്നു എമി. താരത്തിന്‍റെ ചിത്രങ്ങളെല്ലാം ആരാധകര്‍ ഏറ്റെടുക്കുകയും ചെയ്തിരുന്നു. 

യുകെയിലെ ജനിച്ചുവളര്‍ന്ന എമി ജാക്‌സണ്‍ മോഡലിംഗിലൂടെയാണ് സിനിമയിലേക്ക് എത്തിയത്. എ എല്‍ വിജയ് സംവിധാനം ചെയ്ത മദ്രാസ് പട്ടണം എന്ന തമിഴ് ചിത്രത്തിലൂടെയായിരുന്നു സിനിമാ അരങ്ങേറ്റം. രജനി നായകനായ ഷങ്കര്‍ ചിത്രം 2.0 യിലടക്കം നായികയായി തിളങ്ങിയ താരം ബോളീവുഡിലും ശ്രദ്ധേയയാണ്.