വെള്ളം കുടിക്കുമ്പോള്‍ നിങ്ങളുടെ അവയവങ്ങള്‍ക്ക് സംഭവിക്കുന്നത്...!

പ്രായമേറുമ്പോള്‍ ഓര്‍മ്മക്കുറവ് ഉണ്ടാകുന്നത് തടയാന്‍ മതിയായ വെള്ളംകുടി സഹായിക്കും. അതുപോലെ മദ്യപാനം, മയക്കുമരുന്ന് എന്നിവ ഉപയോഗിക്കുന്നവര്‍ നല്ലതുപോലെ വെള്ളം കുടിച്ചാല്‍, അതുമൂലമുണ്ടാകുന്ന തലച്ചോറിന് ഉണ്ടാകുന്ന ദൂഷ്യഫലങ്ങള്‍ ഒരു പരിധിവരെ കുറയും.

ആവശ്യത്തിന് വെള്ളം കുടിക്കാതിരുന്നാല്‍, രക്തം പമ്പ് ചെയ്യുന്ന ഹൃദയത്തിന്റെ പ്രവര്‍ത്തനത്തില്‍ നേരിയ വേഗക്കുറവ് അനുഭവപ്പെടും. ഇത് പേശികളിലേക്ക് ഓക്‌സിജന്‍ എത്തുന്നതിനും കാലതാമസമുണ്ടാക്കും. എന്നാല്‍ മതിയായ അളവില്‍ വെള്ളം കുടിച്ചാല്‍ ഈ പ്രശ്‌നം ഉണ്ടാകില്ല.

കോശങ്ങള്‍ പുതുക്കുന്നതിന് ജലം അനിവാര്യമാണ്.

പ്രായം കൂടുമ്പോള്‍ ചര്‍മ്മത്തിനു ചുളിവ് ഉണ്ടാകുന്നത് തടയാന്‍ മതിയായ വെള്ളംകുടി മൂലം സാധിക്കും. കൂടാതെ ചര്‍മ്മത്തിന്റെ മൃദുത്വം കാത്തുസൂക്ഷിക്കാനും ഇതു സഹായിക്കും. ശരീരം വിയര്‍ത്താല്‍ മാത്രമെ ത്വക്ക് വഴി മാലിന്യങ്ങള്‍ പുറന്തള്ളപ്പെടുകയുള്ളു. ഇതിന് ആവശ്യത്തിന് വെള്ളം കുടിക്കണം.

ചുവന്ന രക്താണുക്കളാണ് ഓക്‌സിജന്‍ വഹിക്കുന്നത്. നന്നായി വെള്ളം കുടിച്ചെങ്കില്‍ മാത്രമെ ഓക്‌സിജന്‍ പേശികളിലേക്ക് എത്തിക്കുന്ന പ്രവര്‍ത്തനം കാര്യക്ഷമമാകുകയുള്ളു.

ശരീരത്തിലെ മാലിന്യങ്ങള്‍ നീക്കം ചെയ്യുന്ന പ്രവര്‍ത്തി നടക്കുന്നതു വൃക്കയും കരളും വഴിയാണ്. ഈ പ്രവര്‍ത്തനങ്ങള്‍ സുഗമമായി നടക്കാന്‍ വെള്ളം കുടി സഹായിക്കുന്നു.

അസ്ഥികളുടെ ആരോഗ്യത്തിന് വെള്ളംകുടി പ്രധാനമാണ്. ജോയിന്റിന് നല്ല വഴക്കം ലഭിക്കുന്നതിന് മതിയായ വെള്ളം ശരീരത്തില്‍ എത്തേണ്ടത് പ്രധാനമാണ്.