തുമ്പിക്കൈയ്യുമായി ഒരു പന്നികുട്ടി ജനിച്ചപ്പോള്‍

മൂന്ന് ദിവസം പഴക്കമുള്ള ഒരു ക്ലിപ്പാണ് ഇപ്പോള്‍ വൈറലാകുന്നത്. തായ്ലന്‍റിലെ നഗോന്‍ ഫാനോ പ്രവിശ്യയിലെ ഒരു പന്നി ഫാമില്‍ നിന്നാണ് സംഭവം. കഴിഞ്ഞ ശനിയാഴ്ചയാണ് ഇവിടെ ഒരു പന്നികുഞ്ഞ് പിറന്നത്. ആനകുഞ്ഞിന് കാണും പോലെ തുമ്പികൈയ്യുമായാണ് ഈ പന്നികുട്ടി ജനിച്ചത്.

ഇപ്പോള്‍ ഫാമിലെ ആളുകളുടെ ശ്രദ്ധയിലാണ് പന്നിക്കുട്ടി. കണ്ണുകള്‍ക്കിടയില്‍ തുമ്പിക്കൈ പോലെ വളര്‍ന്നിരിക്കുന്ന മൂക്ക് കാരണം ഇതിന് പാല് കുടിക്കാന്‍ കഴിയുന്നില്ല. അതിനാല്‍ ഫാം അധികൃതര്‍ ബോട്ടില്‍ ഉപയോഗിച്ച് ഇതിനെ പാല്‍ കുടിപ്പിക്കുന്നുണ്ട്.

എതായാലും ഫാമിലേക്ക് ഈ അപൂര്‍വ്വ മൃഗത്തേ കാണുവാന്‍ ആളുകളുടെ ഒഴുക്ക് തുടരുകയാണ്.