ഉച്ചത്തിൽ വായിക്കുന്ന കുട്ടികളില്‍ ഒാർമ ശക്തി കൂടുമെന്ന് പഠനം

സ്​കൂളിലെ പാഠങ്ങൾ നിങ്ങളുടെ കുട്ടികൾക്ക്​ ഒാർത്തെടുക്കാൻ കഴിയുന്നില്ലേ? എന്നാൽ അവ ഉച്ചത്തിൽ വായിക്കാൻ അവരോട്​ പറയുക. ഉച്ചത്തിൽ വായിക്കുന്നത്​ വാക്കുകൾ ദീർഘകാലം ഒാർമയിൽ നിൽക്കാൻ സഹായിക്കുമെന്നാണ്​ പഠനങ്ങൾ. ഒരേസമയം ഒരാൾ സംസാരിക്കുന്നതും കേൾക്കുന്നതും ഒാർമ വർധിപ്പിക്കാൻ സഹായകമാകും. 

സജീവ പങ്കാളിത്തത്തോടെയുള്ള വായന ഒാർമയിൽ നിലനിർത്താൻ സഹായിക്കുമെന്ന്​ പഠനത്തിൽ തെളിഞ്ഞതായി നേതൃത്വം നൽകിയ കാനഡയിലെ വാട്ടർലൂ സർവകലാശാലയിലെ പ്രൊഫസർ കോളിൻ എം. മക്​ലോഡ്​ പറയുന്നു. ഒരുവാക്കിൽ സജീവ ശ്രദ്ധ ചെലുത്തിയാൽ അത്​ ദീർഘകാല ഒാർമയിൽ വ്യക്​തമായി നിൽക്കും.

മെമ്മറി ജേണലിൽ ആണ്​ പഠനം പ്രസിദ്ധീകരിച്ചത്​. നാല്​ തരം പഠന രീതികൾ ഉപയോഗിച്ചാണ്​ പഠനം നടത്തിയത്​. നിശബ്​ദ വായന, ഒരാൾ വായിക്കുന്നത്​ കേട്ടിരിക്കുക, ഒരാൾ വായിച്ചത്​ റൊക്കോർഡ്​ ചെയ്​ത്​ കേൾക്കുക, തൽസമയം ഉച്ചത്തിൽ വായിക്കൽ എന്നീ രീതികളിലൂടെയായിരിന്നു ഒാർമ സംബന്ധിച്ച പഠനം. ഇതിൽ ഉച്ചത്തിലുള്ള വായനയാണ്​ മികച്ച ഒാർമ ശക്​തി നൽകുന്നതെന്ന്​ കണ്ടെത്തി.