അസിഡിറ്റി നിങ്ങളെ തേടിയെത്തും; ഇൗ ഭക്ഷണങ്ങൾ നിയന്ത്രിച്ചില്ലെങ്കിൽ

നല്ല ഭക്ഷണം, കഴിച്ച ശേഷം സുഖംപ്രധാനം ചെയ്യുന്നവ കൂടിയായിരിക്കും. ചില ഭക്ഷണങ്ങൾ പലപ്പോഴും രുചിയിൽ മികച്ചതാണെങ്കിലും കഴിച്ച ശേഷം അസ്വസ്​ഥതയുണ്ടാക്കുന്നവയാണ്​. ഭക്ഷണങ്ങൾ വയറ്റിലുണ്ടാക്കുന്ന അസിഡിറ്റി (അമ്ലത്വം) മിക്കവരുടെയും പ്രശ്​നമാണ്​. അസിഡിറ്റിക്ക്​ കാരണമാകുന്ന ഭക്ഷണങ്ങൾ പലതുണ്ട്​. പരമാവധി ഇവയോട്​ അകന്നുനിൽക്കുകയാണ്​ പ്രതിവിധി. അസിഡിറ്റിക്ക്​ കാരണമാകുന്ന ചില ഭക്ഷണപദാർഥങ്ങൾ ഇതാ: 

സർഗീയമായ രുചിനൽകുന്നവയാണ്​ ചോ​ക്ലേറ്റുകൾ. എന്നാൽ പലർക്കും ഇത്​ ആമാശയത്തിൽ എത്തിയാൽ പ്രശ്​നം സൃഷ്​ടിക്കുന്നു. കഫെ്​യിൻ, തിയോബ്രോമെയിൻ, ഉയർന്ന അളവിലുള്ള കൊഴുപ്പ്​, കൊക്കോയുടെ അളവ്​ കൂടുന്നത്​ എന്നിവ കാരണമാണ്​ പ്രധാനമായും ചോ​ക്ലേറ്റ്​ അസിഡിറ്റിക്ക്​ കാരണമാകുന്നത്​. ചോ​ക്ലേറ്റ്​ ഒഴിവാക്കണമെന്ന്​ പറയുന്നില്ല, പകരം അവയുടെ ഉപയോഗം നിയന്ത്രിച്ചാൽ ഭക്ഷിച്ചശേഷമുള്ള അസ്വസ്​ഥത ഒഴിവാക്കാം. 

കാർബൺ  അടങ്ങിയ പാനീയമായ സോഡ അസിഡിറ്റിക്ക്​ പ്രധാന കാരണമാണ്​. കാർബണേഷൻ കാരണം വയറി​െൻറ അകം വികസിക്കാനും സമ്മർദം വർധിക്കാനും ഇടയാക്കും. 

ലഹരി നുകരുന്നത്​ നിയന്ത്രിച്ചില്ലെങ്കിൽ അവ നിങ്ങളെ അസിഡിറ്റിക്ക്​ അടിമപ്പെടുത്തും. ബിയർ, വൈൻ പോലുള്ളവ ഉദരത്തിൽ മാത്രമല്ല, ആമാശയത്തിൽവരെ അസിഡിറ്റി സൃഷ്​ടിക്കും. മദ്യം കഴിക്കു​േമ്പാൾ സോഡ ചേർത്തില്ലെങ്കിൽ സ്​ഥിതി കൂടുതൽ വഷളാക്കാനേ സഹായിക്കൂ. 

ഒരു ദിവസം ഒരു കപ്പ്​ ചായ, അല്ലെങ്കിൽ കാപ്പി കഴിക്കാം. അധികമായാൽ അത്​ അസിഡിറ്റി വരുത്തും. കഫെയി​െൻറ സാന്നിധ്യമാണ്​ കാരണം. 

അമിതമായി എരിവുള്ള ഭക്ഷണം കഴിക്കുന്നത്​ നിങ്ങളുടെ ആരോഗ്യത്തെ തന്നെ നശിപ്പിക്കും. മുളക്​, ഗരംമസാല, കുരുമുളക്​ എന്നിവയെല്ലാം അസിഡിറ്റിക്ക്​ വഴിവെക്കും. ഇടക്കിടെ ഇവയുള്ള ഭക്ഷണം കഴിക്കുന്നതിന്​ പകരം നിയന്ത്രണം കൊണ്ടുവരുന്നതാണ്​ ഉത്തമം. കഴിക്കുന്നതിന്‍റെ അളവും കുറക്കുക. 

കൊഴുപ്പുള്ള ഭക്ഷണം ഉയർന്ന അസിഡിറ്റിയുള്ളവയാണ്​. പൊരിച്ച മാംസാഹാരങ്ങളും വഴുവഴുപ്പുള്ള ഭക്ഷണങ്ങളും ഒഴിവാക്കുന്നതാണ്​ ഗുണകരം. 

പഴവർഗങ്ങൾ ആരോഗ്യദായകമാണെന്നതിൽ സംശയമില്ല. എന്നാൽ നാരങ്ങാ ഇനത്തിൽപെട്ട പഴങ്ങൾ വെറും വയറ്റിൽ കഴിക്കുന്നത്​ അസിഡിറ്റിക്ക്​ കാരണമാകുന്നു. ഒാറഞ്ച്​, ചെറുനാരങ്ങ, തക്കാളി, ബെറി ഇനങ്ങളിൽപെട്ടവ എന്നിവയെല്ലാം ഉയർന്ന രീതിയിൽ അസിഡിക്​ ആണ്​. വെറുംവയറ്റിൽ ഇവ കഴിച്ചാൽ വയർ എരിച്ചിലായിരിക്കും ഫലം.