എട്ട് മണിക്കൂറിൽ താഴെയുള്ള ഉറക്കം വിഷാദരോഗത്തിന്​ കാരണമാകുമെന്ന് പഠനം

ഉറക്കക്കുറവ് പല രോഗങ്ങള്‍ക്കും കാരണമാകാറുണ്ട്. രാത്രിയിലെ ഉറക്കക്കുറവ്​ പലര്‍ക്കുമുളളതാണ്. എന്നാല്‍ ദിവസവും എട്ടുമണിക്കൂറിൽ താഴെയുള്ള ഉറക്കം വിഷാദരോഗത്തിലേക്ക് നയിക്കുമെന്ന്​ ശാസ്​ത്രജ്​ഞർ പറയുന്നു. 

യു.എസിലെ ബിൻഗാംട്ടൺ യൂണിവേഴ്​സിറ്റിയിലെ ശാസ്​ത്രജ്​ഞർ നടത്തിയ പഠനത്തിലാണ് കണ്ടെത്തല്‍. ശരിയായ ഉറക്കം ലഭിക്കാത്തവരില്‍ അമിത ധ്യാനം, ആശങ്ക തുടങ്ങിയ ദുർബലചിന്തകൾ കൂടുതലാണെന്നും പഠനത്തിൽ പറയുന്നു.

വ്യത്യസ്​തവ്യക്​തികൾക്ക്​ വിവിധ ചിത്രങ്ങൾ കാണിച്ചുനൽകി അവരുടെ വൈകാരികപ്രകടനങ്ങൾ മനസ്സിലാക്കിയായിരുന്നു നിരീക്ഷണം. അതിൽ ശരിയായ ഉറക്കം ലഭിക്കാത്തവർക്ക്​ ​ഒന്നിലും ശ്രദ്ധ കേന്ദ്രീകരിക്കാൻ സാധിക്കില്ലെന്നും വിഷാദരോഗത്തിന് അടിമയാകുന്നുണ്ടെന്നും പഠനത്തിൽ പറയുന്നു.