ഈ സ്വഭാവം നിങ്ങളുടെ ദാമ്പത്യം തകര്ക്കും!
Synopsis
ദാമ്പത്യബന്ധം സന്തോഷകരമായിരിക്കണമെന്ന് ആഗ്രഹിക്കാത്ത ഭാര്യാ-ഭര്ത്താക്കന്മാരുണ്ടോ? വിവാഹജീവിതത്തില് പങ്കാളിയെക്കുറിച്ച് കൂടുതല് പ്രതീക്ഷ വെച്ചുപുലര്ത്തുന്നവരുടെ ദാമ്പത്യ സുഖകരമായിരിക്കില്ലെന്ന് പഠനം. ഭാര്യയുടെയോ ഭര്ത്താവിന്റെയോ പരിഗണനയും പിന്തുണയും കൂടുതല് പ്രതീക്ഷിക്കുന്നവര്ക്ക് വലിയ പ്രശ്നങ്ങളാണ് വിവാഹ ജീവിതത്തില് നേരിടേണ്ടി വരുക എന്നാണ് പഠനം പറയുന്നത്, ഇങ്ങനെയുള്ളവര് പ്രതീക്ഷിച്ചത് കിട്ടാതായാല് അത് ബന്ധം തകരുന്നതിലേക്ക് നീങ്ങുമെന്ന് പഠനം പറയുന്നു.
ലണ്ടനിലെ സ്കൂള് ഓഫ് മെഡിസിനിലെ സൈക്കോളജി വിഭാഗമാണ് പഠനം നടത്തിയത്. 135 ദമ്പതികളിലാണ് പഠനം നടത്തിയത്. ഓരോ പങ്കാളിക്കും ഒരു ചോദ്യവലി നല്കി അതില് ചോദിച്ച ചോദ്യങ്ങള്ക്ക് ഉത്തരം നല്കാനാണ് ആവശ്യപ്പെട്ടത്. തങ്ങളുടെ സങ്കല്പം സംബന്ധിച്ച് എന്തെല്ലാം പ്രതീക്ഷിക്കുന്നു എന്നായിരുന്നു ചോദ്യം. ഇതുസംബന്ധിച്ച് തങ്ങളുടെ അഭിപ്രായം അറിയിക്കാനും നിര്ദേശിച്ചു. വിവാജീവിതത്തില് എന്തെങ്കിലും പ്രശ്നങ്ങളുണ്ടോ എന്ന കാര്യവും അറിയിക്കാന് ചോദ്യത്തില് നിര്ദേശിച്ചിരുന്നു.
വിവാഹജീവിതത്തില് ഏറെ സന്തോഷം അനുഭവിക്കുന്ന ദമ്പതികള് പരസ്പരം കുറച്ചു മാത്രം പ്രതീക്ഷ വച്ചു പുലര്ത്തുന്നവരാണെന്നു പഠനത്തിന് നേതൃത്വം നല്കിയ ഡോക്ടര് പറയുന്നു. അതായത് അവര് തമ്മില് ശക്തമായ വിവാഹബന്ധം കാത്തുസൂക്ഷിക്കുന്നവരാണെന്നും മനസ്സിലായി.
ഏഷ്യാനെറ്റ് ന്യൂസ് മലയാളത്തിലൂടെ Lifestyle News അറിയൂ. Food and Recipes, Health News തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam