വസ്ത്രങ്ങളിലെ വിയര്‍പ്പ് കറ മാറ്റാന്‍ ചില എളുപ്പവഴികള്‍‌..

വിയര്‍പ്പ് നമ്മളില്‍ പലരുടെയും ഒരു പ്രധാന പ്രശ്നമാണ്. വിയര്‍പ്പ് മൂലമുണ്ടാകുന്ന ദുര്‍ഗന്ധവും അസഹീനിയമാകാറുണ്ട്. പുത്തന്‍ വസ്ത്രങ്ങളില്‍ പറ്റിയിരിക്കുന്ന വിയര്‍പ്പ് കറയാണ് മറ്റൊരു പ്രശ്നം. മഞ്ഞനിറത്തിലാണ് വിയര്‍പ്പു കറ കാണപ്പെടുന്നത്. ഇത് വസ്ത്രങ്ങളുടെ ഭംഗി കെടുത്തും. ഇളം നിറത്തുള്ള വസ്ത്രങ്ങളില്‍ ഈ കറ മുഴച്ചു നില്‍ക്കുകയും ചെയ്യും. വസ്ത്രങ്ങളിലെ അഭംഗി മാത്രമല്ല. ഒരാളുടെ വൃത്ത്യയും വ്യക്തത്വലും പോലും ഇത് അളക്കും. പ്രത്യേകിച്ച് ഇന്‍റര്‍വ്യൂകളില്‍ പോകുമ്പോള്‍ ഇത് നിങ്ങളെ അളക്കും. 

എന്താണ് ഇതിനൊരു പോംവഴി? ഏറെ നേരം വസ്ത്രം ഉരച്ചു കഴുകുന്നത് അവയുടെ ഭംഗിയും ഇല്ലാതാക്കും. ഇവ മാറ്റാന്‍ ചില പോംവഴികള്‍ നോക്കാം.

1. പുറമെ നമ്മള്‍ ധരിക്കുന്ന വസ്ത്രത്തനടിയില്‍ മറ്റൊരു കോട്ടന്‍ അണ്ടര്‍ഷര്‍ട്ട് ധരിക്കുക. ഇത് വിയര്‍പ്പ് വലിച്ചെടുക്കുകയും നിങ്ങളുടെ മുകളിലുള്ള വസ്ത്രത്തിന്റെ ഭംഗി നിലനിര്‍ത്തുകയും ചെയ്യും.

2. കോട്ടണ്‍ വസ്ത്രങ്ങള്‍ മാത്രം ഉപയോഗിക്കാന്‍ ശ്രദ്ധിക്കുക. ഗുണമേന്മയുള്ള കോട്ടണ്‍ തുണികള്‍ ഉപയോഗിച്ചുള്ള അടിവസ്ത്രങ്ങള്‍ തെരഞ്ഞെടുക്കാന്‍ ശ്രദ്ധിക്കുക. 

3. നല്ല ഡിയോഡ്രന്റുകള്‍ ഉപയോഗിക്കുക. ഡിയോഡ്രന്റുകള്‍  വസ്ത്രം ധരിക്കുന്നതിനുമുമ്പ് പൂര്‍ണമായും ത്വക്ക് ഡ്രൈയാക്കി മാത്രം ഉപയോഗിക്കുക. ഡിയോഡ്രന്റുകള്‍ തെരഞ്ഞെടുക്കുമ്പോള്‍ പ്രത്യേകം ശ്രദ്ധിക്കുക,
അലൂമിനിയം കണ്ടന്റ് കുറഞ്ഞ ഡിയോഡ്രന്റുകള്‍ മാത്രം തെരഞ്ഞെടുക്കുക.

4. വിയര്‍പ്പ് ഉണങ്ങുന്നതിനുമുമ്പു തന്നെ വസ്ത്രങ്ങള്‍ കഴുകി വൃത്തിയാക്കിയാല്‍ കറപിടിക്കാനുള്ള സാധ്യത കുറയും.

5. വസ്ത്രങ്ങള്‍ കഴുകാന്‍ തണത്തവെള്ളം ഉപയോഗിക്കുക. ചൂടുവെള്ളം ഉപയോഗിക്കുമ്പോള്‍ കറകള്‍ കൂടുതല്‍ പിടിക്കാന്‍ സാധ്യതയുണ്ട്.

6.  അധികം ഇറുകിയ വസ്ത്രങ്ങള്‍ ഉപയോഗിക്കാതിരിക്കുക. കുറച്ച് ലൂസായ വസ്ത്രങ്ങള്‍ തെരഞ്ഞെടുക്കാന്‍ ശ്രമിക്കുക. 

7.കക്ഷത്തിലെ രോമം നീക്കം ചെയ്യുന്നതിലൂടെ വിയര്‍പ്പിന്‍റെ അളവും ദുര്‍ഗന്ധവും കുറയ്ക്കാം. 

8.ശരീരത്തില്‍ എപ്പോഴും സണ്‍സ്‌ക്രീന്‍ ലോഷനുകള്‍ പുരട്ടുന്നത് ശീലമാക്കുക. ഇത് നേരിട്ട് ശരീരത്തില്‍ വെയിലടിക്കുന്നത് തടയും.

9.  മദ്യം, സിഗരറ്റ് ഇവ ഉപയോഗിക്കുന്നവര്‍ക്ക് വിയര്‍പ്പ് നിയന്ത്രിക്കാനുള്ള കഴിവില്ലാതാക്കും. ഇത് ശരീരം അമിതമായി വിയര്‍ക്കാനിടയാക്കും. 

10.തണുത്ത വെള്ളത്തില്‍ കുളിക്കാൻ ശ്രമിക്കുക. ദിവസവും രണ്ട് നേരം കുളിക്കുന്നത് വിയര്‍ക്കുന്നത് നിയന്ത്രിക്കും. 

എന്തുകൊണ്ട് നിങ്ങള്‍ വിയര്‍ക്കുന്നു?

അമിതമായി വിയര്‍ക്കുന്നതിന് പല കാരണങ്ങള്‍ ഉണ്ട്. ചൂട് കൊണ്ടോ വെയില്‍ അടിക്കുന്നത് കൊണ്ടോ മാത്രമല്ല, അമിതമായ ഉത്കണ്ഠയോ ക്ഷീണമോ ഉള്ളവര്‍ എളുപ്പത്തില്‍ വിയര്‍ക്കാന്‍ കാരണം ആകും. ഇത്തരക്കാരില്‍ വിയര്‍പ്പ് ഗ്രന്ഥികള്‍ സാധാരണയില്‍ കവിഞ്ഞ് പ്രവര്‍ത്തിക്കുന്നതിനാലാണ് ഇത്. ചിലരില്‍ നല്ല തോതില്‍ വെയില്‍ കൊള്ളുന്നതുകൊണ്ടാകാം. അവരില്‍ സൂര്യതാപമേല്‍ക്കാനുള്ള സാധ്യത കൂടുതലാണ്. സൂര്യതാപമേറ്റാലും അമിതമായി വിയര്‍ത്തേക്കും. 

രക്തത്തില്‍ പഞ്ചസാരയുടെ അളവ് താഴുന്ന സാഹചര്യത്തിലും അസാധാരണമായി വിയര്‍പ്പ് അനുഭവപ്പെട്ടേക്കാം. ഇത്തരം സാഹചര്യത്തില്‍ അസുഖകരമായ ഉറക്കവും തുടര്‍ന്ന് ശരീരം മുഴുവന്‍ വിയര്‍ക്കുകയും ചെയ്യും.ചില തരത്തിലുള്ള മരുന്നുകള്‍ കഴിക്കുന്നവരിലും അമിതമായ വിയര്‍പ്പ് കണ്ടേക്കും. മരുന്നുകളുടെ സൈഡ് എഫക്ട് ആണിത്. മരുന്നിന്റെ കോഴ്‌സ് തീരുന്നതോടെ ഈ പ്രശ്‌നവും അവസാനിക്കും. ഹോര്‍മോണുകളുടെ വ്യത്യാസം മൂലവും വിയര്‍പ്പ് ഉണ്ടാകാം. പ്രത്യേക തരത്തിലുള്ള ഭക്ഷണം കഴിക്കുന്നതും ചില സമയങ്ങളില്‍ അമിതമായ വിയര്‍പ്പുണ്ടാക്കും. ഉദാഹരണത്തിന് നല്ല തോതില്‍ മസാല ചേര്‍ത്ത ഭക്ഷണം, കഫേന്‍ ചേര്‍ത്തവ, ആല്‍ക്കഹോള്‍ കലര്‍ത്തിയവ- എന്നിങ്ങനെ.