വോട്ട്​ ചെയ്യാൻ പോയാൽ മാനസിക ആരോഗ്യം വർധിക്കുമെന്ന്​ പഠനം

ഇൗ കണ്ടെത്തൽ നിങ്ങളെ ഒരു പക്ഷെ അത്​ഭുതപ്പെടുത്തിയേക്കാം. എന്നിരുന്നാലും രാഷ്​ട്രീയ അവബോധമുള്ളവരാവുക, അതിനെ പ്രോത്സാഹിപ്പിക്കുക എന്നീ കാര്യങ്ങൾ നിങ്ങളുടെ മാനസിക ആരോഗ്യത്തിന്​ ഗുണപ്രദമാണെന്ന്​ പുതിയ പഠനം. നിങ്ങളുടെ ദൈനന്തിന ആവശ്യങ്ങൾക്കായി പുറത്തുപോകുന്നത്​ പോലെ ജപ്രതിനിധികളെ തെരഞ്ഞെടുക്കാനായി വരി നിൽക്കുന്നതും രാജ്യത്തെ മികച്ച സാമൂഹിക അവസ്​ഥയിലേക്ക്​ നയിക്കുമെന്നും പഠനം പറയുന്നു. 

11നും 20നും വയസിനിടയിൽ ​പ്രായമുള്ള 9471 ​പേരിൽ നടത്തിയ പഠന റിപ്പോർട്ടാണ്​ ചൈൽഡ്​ ഡെവലപ്​മെന്‍റ്​ എന്ന ജേണലിൽ പ്രസിദ്ധീകരിച്ചത്​. മികച്ച ആരോഗ്യം, ഉന്നത വിദ്യാഭ്യാസവും  ഉയർന്ന വരുമാനവും, സ്വമേധയാ രാഷ്​ട്രീയ പ്രവർത്തനത്തിനിറങ്ങുന്നവർ പിന്നീട്​ മികച്ച ആരോഗ്യം, ഉന്നത വിദ്യാഭ്യാസവും  ഉയർന്ന വരുമാനവും നേടുന്നവരാണെന്ന്​ ഗവേഷകർ നിരീക്ഷിക്കുന്നു. സ്വയം സന്നദ്ധരാവുകയും വോട്ടുചെയ്യുകയും ചെയ്യുന്നവർ കൂടുതൽ ആരോഗ്യവാൻമാരും വിഷാദരോഗ സാധ്യത കുറവുള്ളവരുമാണെന്നും പഠനം വെളിപ്പെടുത്തുന്നു.

പൊതുകാര്യങ്ങളിൽ പങ്കാളിയാകുന്നത്​ യുവാക്കളിൽ നിർമാണാത്മക പ്രക്രിയയാണെന്ന്​ പഠനത്തിന്​ നേതൃത്വം നൽകിയ വെയ്​ക്ക്​ ഫോറസ്​റ്റ്​ സ്​കൂൾ ഒാഫ്​ മെഡിസിനിലെ അസി. പ്രഫസർ പാരിസ ബല്ലാർഡ്​ പറയുന്നു. സ്വയംസന്നദ്ധ പ്രവർത്തനവും വോട്ടുചെയ്യുന്നതും ഒരു പോലെ പോസിറ്റീവാണെന്നും അദ്ദേഹം പറഞ്ഞു.