സമീകൃതാഹാരത്തിൽ പ്രധാനമായി ഉൾപ്പെടുത്തേണ്ടത് ഇവയൊക്കെ

സമീകൃതാഹാരത്തിൽ എന്തൊക്കെ ഉൾപ്പെടുത്തണമെന്ന് പലർക്കും അറിയില്ല. ആവശ്യമുള്ളതും പോഷക​ഗുണമുള്ളതുമായ ഭക്ഷണങ്ങൾ.  അതാണ് സമീകൃതാഹാരം കൊണ്ട് ഉദ്ദേശിക്കുന്നത്. വലിച്ചുവാരി ആഹാരം കഴിക്കാതെ വിശപ്പിന് അനുസൃതമായി മാത്രം ആഹാരം കഴിക്കുക.

സമീകൃതാഹാരം ശീലമാക്കുവാൻ നാം ശ്രദ്ധിക്കണം. സമീകൃതാഹാരത്തിൽ എന്തൊക്കെ ഉൾപ്പെടുത്തണമെന്ന് പലർക്കും അറിയില്ല. ആവശ്യമുള്ളതും പോഷക​ഗുണമുള്ളതുമായ ഭക്ഷണങ്ങൾ.  അതാണ് സമീകൃതാഹാരം കൊണ്ട് ഉദ്ദേശിക്കുന്നത്. വലിച്ചുവാരി ആഹാരം കഴിക്കാതെ വിശപ്പിന് അനുസൃതമായി മാത്രം ആഹാരം കഴിക്കുക. ആഹാരം ഓരോ നേരവും ക്രമപ്പെടുത്തണം. സമീകൃതാഹാരത്തിൽ പ്രധാനമായി ചേർക്കേണ്ടത് ഇവയൊക്കെ. 

1.വെള്ളം
2.പച്ചക്കറികൾ
3. പഴങ്ങൾ
4.ഊർജത്തിന് വേണ്ടി ഒരു സ്രോതസ്സ്- അന്നജം അല്ലെങ്കിൽ കൊഴുപ്പ്.

വെള്ളം...

 ഒരു ദിവസം രണ്ടു മുതൽ രണ്ടര ലിറ്റർവരെ (10-12 ഗ്ലാസ്) ശുദ്ധജലം കുടിക്കണം. അതിൽ ഒരു ​ഗ്ലാസ് വെള്ളം ഭക്ഷണത്തിന് മുൻപ് കുടിച്ചാൽ ഭക്ഷണത്തിന്റെ അളവ് കുറയ്ക്കാൻ സഹായിക്കും. രാവിലെ വെറുവയറ്റിൽ ഒരു ​ഗ്ലാസ് ചൂടുവെള്ളം കുടിക്കുന്നത് വളരെ നല്ലതാണ്. വെള്ളം മറ്റ് അസുഖങ്ങളെ അകറ്റാൻ സഹായിക്കും. 

പച്ചക്കറികൾ...

 ഭക്ഷണത്തിലെ ഏറ്റവും പ്രധാനപ്പെട്ട ഘടകമാണ് പച്ചക്കറികൾ. ഇന്ന് പലരും പച്ചക്കറികൾ വളരെ കുറച്ചാണ് കഴിക്കാറുള്ളത്. ദിവസവും ചീര,മുരിങ്ങയില, വെണ്ടക്ക, പാവയ്ക്ക, ക്യാരറ്റ്, ബീറ്റ് റൂട്ട് എന്നിവ ഭക്ഷണത്തിൽ ധാരാളം ഉൾപ്പെടുത്തുക.

പഴങ്ങൾ...

 മൂന്ന് നേരവും എന്തെങ്കിലും പഴങ്ങൾ കഴിക്കാൻ ശ്രമിക്കണം. പഴങ്ങൾ ജ്യൂസായോ അല്ലാതെയോ കഴിക്കാൻ ശ്രമിക്കുക. പഴങ്ങളിൽ നാരിന്റെ അംശം ധാരാളം അടങ്ങിയിട്ടുണ്ട്. മാതളം ദിവസവും കഴിക്കുന്നത് ആരോ​ഗ്യത്തിന് വളരെ നല്ലതാണ്. രക്തയോട്ടം വർധിക്കാൻ വളരെ നല്ലതാണ് മാതളം. ആന്റിഒാക്സിഡന്റ് രക്തയോട്ടം വർധിപ്പിക്കാൻ സഹായിക്കുന്നു.

അന്നജവും കൊഴുപ്പും...

അന്നജവും കൊഴുപ്പുമാണ് പ്രധാനമായി ഊർജത്തിന്റെ സ്രോതസ്സ്.നമ്മുടെ ഭക്ഷണക്രമത്തിൽ അന്നജം തരുന്ന ഭക്ഷണങ്ങൾ അരി, ​ഗോതമ്പ്,ചോളം, ഒാട്സ്, എന്നീ ധാന്യങ്ങളാണ്. ഊർജത്തിനായി കൊഴുപ്പ് അതല്ലെങ്കിൽ അന്നജം മാത്രമുള്ള കപ്പ, കാച്ചിൽ,ചേന, ചേമ്പ്, ഉരുളക്കിഴങ്ങ് ഇവ ഉപയോ​ഗിക്കുമ്പോൾ  സമ്പൂർണ മാംസ്യത്തിന്റെ സ്രോതസായ ഇറച്ചി, മീൻ,മുട്ട, തെെര് മാത്രം ഉപയോ​ഗിക്കുക. അന്നജവും കൊഴുപ്പും എല്ലാവർക്കും ഒരേ അളവിൽ അല്ല വേണ്ടത്. ശാരീരികാധ്വാനത്തിന്റെ അടിസ്ഥാനത്തിൽ അതിന്റെ അളവ് ക്രമീകരിക്കാൻ ശ്രദ്ധിക്കണം.

സമീകൃതാഹാരത്തില്‍ ശ്രദ്ധിക്കേണ്ടവ...

1. ഭക്ഷണത്തില്‍ വേണ്ടത്ര കലോറി ഉണ്ടായിരിക്കണം.
2. അന്നജം, മാംസ്യം, കൊഴുപ്പ് എന്നിവയുടെ അനുപാതം ശ്രദ്ധിക്കണം.
3. ഭക്ഷണത്തില്‍ വേണ്ടത്ര ലവണങ്ങള്‍ ഉണ്ടാവണം; സോഡിയം, കാത്സ്യം, പൊട്ടാസ്യം, ഇരുമ്പ് മുതലായവ.
4. ഭക്ഷണം, രുചിയുള്ളതും കാണാന്‍ ഭംഗിയുള്ളതും, എളുപ്പത്തില്‍ ദഹിക്കുന്നതും ആയിരിക്കണം.