വണ്ണം കൂടുമെന്ന പേടി വേണ്ട; ഡയറ്റില് ഉള്പ്പെടുത്താം കലോറി കുറഞ്ഞ ഈ ഭക്ഷണങ്ങള്...
Synopsis
കൊഴുപ്പും കാര്ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള് ഒഴിവാക്കുകയും കലോറി വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുകയുമാണ് ചെയ്യേണ്ടത്.
അമിതവണ്ണം നിയന്ത്രിക്കാന് ശ്രമിക്കുകയാണ് ഇന്ന് പലരും. വണ്ണം കുറയ്ക്കാന് ആഗ്രഹിക്കുന്നവര് പല തരം ഡയറ്റ് പ്ലാനുകള് പരീക്ഷിക്കുന്നുണ്ടാകാം. മാറിയ ജീവിതശൈലിയാണ് അമിതവണ്ണത്തിന് കാരണം. ഇതിന് ആദ്യം വേണ്ടത് ആരോഗ്യകരമായ ഭക്ഷണരീതിയാണ്.
കൊഴുപ്പും കാര്ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള് ഒഴിവാക്കുകയും കലോറി വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുകയുമാണ് ചെയ്യേണ്ടത്.
ഡയറ്റില് ഉള്പ്പെടുത്തേണ്ട കലോറി കുറഞ്ഞ ചില ഭക്ഷണങ്ങളെ പരിചയപ്പെടാം...
ഒന്ന്...
ഇലക്കറികളാണ് ആദ്യമായി ഈ പട്ടികയില് ഉള്പ്പെടുന്നത്. കലോറി വളരെ കുറവായതിനാല് ഇലക്കറികള് വണ്ണം കുറയ്ക്കാന് ആഗ്രഹിക്കുന്നവര്ക്ക് ഡയറ്റില് ഉള്പ്പെടുത്താം. അതുപോലെ തന്നെ, ഫൈബര് ധാരാളം അടങ്ങിയ പച്ചക്കറികളും തെരഞ്ഞെടുത്ത് കഴിക്കാം. ഫൈബര് അടങ്ങിയവ വിശപ്പിനെ നിയന്ത്രിക്കാന് സഹായിക്കും.
രണ്ട്...
ആപ്പിളാണ് അടുത്തതായി ഈ പട്ടികയില് ഉള്പ്പെടുന്നത്. ശരീരഭാരം കുറയ്ക്കാനും, പ്രമേഹം കുറയ്ക്കാനുമെല്ലാം ആപ്പിള് സഹായിക്കും. ഒരു ആപ്പിളില് 26 ഗ്രാമോളം പ്രോട്ടീനുണ്ട്. കലോറി വെറും 95-ും. അതിനാല് ശരീരഭാരം കുറയ്ക്കാന് ആഗ്രഹിക്കുന്നവര്ക്ക് കഴിക്കാവുന്ന ഒന്നാണ് ആപ്പിള്.
മൂന്ന്...
തണ്ണിമത്തന് ഇഷ്ടമല്ലാത്തവരായി ആരും ഉണ്ടാകില്ല. വണ്ണം കുറയ്ക്കാന് ആഗ്രഹിക്കുന്നവര്ക്ക് ഡയറ്റില് ഉള്പ്പെടുത്താവുന്ന ഒന്നാണ് തണ്ണിമത്തന്. തണ്ണിമത്തനില് ഏറ്റവുമധികം ഉള്ളത് വെള്ളമാണ്. ഭക്ഷണത്തിനു മുമ്പ് തണ്ണിമത്തൻ കഴിക്കുന്നത് അമിത കലോറികളൊന്നും എത്തിപ്പെടാതെ വയർ നിറയ്ക്കും. ഇത് കൂടുതൽ ഭക്ഷണം കഴിക്കണമെന്ന തോന്നല് ഇല്ലാതാക്കുകയും ചെയ്യും.
നാല്...
വണ്ണം കുറയ്ക്കാന് ആഗ്രഹിക്കുന്നവര് ഡയറ്റില് ഉള്പ്പെടുത്തേണ്ട ഒന്നാണ് ചീര. വിറ്റാമിന് എ, സി, ഇ, കെ, പൊട്ടാസ്യം, കാത്സ്യം, അയൺ തുടങ്ങിയ ഒട്ടേറെ ഘടകങ്ങള് അടങ്ങിയതാണ് ചീര. ഒരു കപ്പ് ചീര അവിച്ചതില് ധാരാളം ഫൈബറും വെള്ളവും അടങ്ങിയിട്ടുണ്ട്. ഇത് നിങ്ങളുടെ വിശപ്പ് കുറയ്ക്കുകയും ശരീരഭാരം കൂടാതിരിക്കാന് സഹായിക്കുകയും ചെയ്യും.
അഞ്ച്...
നട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ നട്സ് വണ്ണവും കുടവയറും കുറയ്ക്കാന് സഹായിക്കും. അതിനാല് ബദാം, വാള്നട്സ്, പിസ്ത തുടങ്ങിയവ ഡയറ്റില് ഉള്പ്പെടുത്താം.
Also Read: ജീരക വെള്ളം കുടിച്ചാൽ വണ്ണം കുറയുമോ...?
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona