അമ്മവീട്ടിൽ മരണാനന്തര ചടങ്ങില് പങ്കെടുക്കാന് എത്തിയ പത്താം ക്ലാസുകാരൻ പുഴയില് മുങ്ങിമരിച്ചു
Synopsis
കോഴിക്കോട് പേരാമ്പ്രയിൽ കുറ്റ്യാടി പുഴയിൽ കുളിക്കാനിറങ്ങിയ 15-കാരനായ വിദ്യാർത്ഥി മുങ്ങിമരിച്ചു. അമ്മയുടെ വീട്ടിൽ മരണാനന്തര ചടങ്ങിൽ പങ്കെടുക്കാൻ എത്തിയ സിദ്ധാർഥ്, പുഴയിലെ കയത്തിൽ പെടുകയായിരുന്നു.
കോഴിക്കോട്: പേരാമ്പ്ര പാലേരിയിലെ കുറ്റ്യാടി പുഴയില് കുളിക്കാനിറങ്ങിയ വിദ്യാര്ത്ഥി മുങ്ങിമരിച്ചു. തിരുവള്ളൂര് പാലോളിപ്പറമ്പ് ബാലന്റെയും ഷിജിയുടെയും മകന് സിദ്ധാര്ഥ്(15) ആണ് മരിച്ചത്. പുഴയുടെ പാലേരി കൂനിയോട് താന്തോന്നിക്കടവ് ഭാഗത്താണ് അപകടമുണ്ടായത്. ഇന്ന് രാവിലെ ഒന്പത് മണിയോടെയാണ് സംഭവം. സിദ്ധാര്ത്ഥിന്റെ അമ്മയുടെ വീടായിരുന്നു പാലേരിയിലേത്.
ഇവിടെ മരണാനന്തര ചടങ്ങില് പങ്കെടുക്കാന് എത്തിയതായിരുന്നു സിദ്ധാര്ത്ഥും അമ്മയും. അമ്മയുടെയും മറ്റ് രണ്ട് കുട്ടികളുടെയും കൂടെ പുഴയില് ഇറങ്ങിയ സിദ്ധാര്ഥ് കയത്തില് പെടുകയായിരുന്നു. കൂടെയുണ്ടായിരുന്നവരുടെ നിലവിളി കേട്ട് ഓടിക്കൂടിയ നാട്ടുകാര് സിദ്ധാര്ത്ഥിനെ പുറത്തെടുത്തപ്പോഴേക്കും മരണം സംഭവിച്ചിരുന്നു. തിരുവള്ളൂര് ശാന്തിനികേതന് ഹൈസ്കൂളിലെ പത്താം ക്ലാസ് വിദ്യാര്ത്ഥിയാണ് സിദ്ധാര്ഥ്. എസ്എസ്എല്സി പരീക്ഷ എഴുതി റിസല്ട്ടിനായി കാത്തിരിക്കുകയായിരുന്നു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam