accident : സഹോദരനെ കൊണ്ടുവിട്ടുവരവെ ടിപ്പര് ലോറി ഇടിച്ച് ഗുരുതര പരിക്കേറ്റ വിദ്യാര്ത്ഥി മരിച്ചു
Synopsis
സി.പി.എം തഴക്കര ലോക്കല് കമ്മറ്റി അംഗവും തകഴി ദേവസ്വം ബോര്ഡ് ഹയര്സെക്കന്ഡറി സ്കൂള് അധ്യാപകനുമായ ടി.ആര് കുമാരന്റെയും കോഴഞ്ചേരി ജില്ലാ ആശുപത്രി ഹെഡ് നഴ്സ് ശ്രീജാകുമാരിയുടേയും മകനാണ്.
മാവേലിക്കര: ടിപ്പര് ലോറി (Tipper lorry) ബൈക്കില് ഇടിച്ച് (Bike accident) ഗുരുതര പരുക്കേറ്റ വിദ്യാര്ത്ഥി മരിച്ചു. തഴക്കര പനച്ചിവിളയില് വി.ജെ ഭവനത്തില് വിഷ്ണു ടി. കുമാരന് (19) ആണ് മരിച്ചത്. സി.പി.എം തഴക്കര ലോക്കല് കമ്മറ്റി അംഗവും തകഴി ദേവസ്വം ബോര്ഡ് ഹയര്സെക്കന്ഡറി സ്കൂള് അധ്യാപകനുമായ ടി.ആര് കുമാരന്റെയും കോഴഞ്ചേരി ജില്ലാ ആശുപത്രി ഹെഡ് നഴ്സ് ശ്രീജാകുമാരിയുടേയും മകനാണ്. മൃതദേഹം കോട്ടയം മെഡിക്കല് കോളേജ് ആശുപത്രി മോര്ച്ചറിയില്.
തഴക്കര വേണാട് ജങ്ഷന് സമീപം രാവിലെ ഒമ്പതിനായിരുന്നു അപകടം. സഹോദരന് ജിഷ്ണുവിനെ മാവേലിക്കരയിലെ വിദ്യാഭ്യാസ സ്ഥാപനത്തില് കൊണ്ടുവിട്ട ശേഷം മടങ്ങുമ്പോഴാണ് അപകടം. ഗുരുതര പരിക്കേറ്റ വിഷ്ണുവിനെ ജില്ലാ ആശുപത്രിയിലും തുടര്ന്ന് കോട്ടയം മെഡിക്കല് കോളേജ് ആശുപത്രിയിലും പ്രവേശിപ്പിച്ചു. പാലാ ബ്രില്യന്സ് കോളേജില് മെഡിക്കല് എന്ട്രന്സിന്പഠിച്ചുകൊണ്ടിരിക്കുകയായിരുന്നു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam