30,000 രൂപ വില വരുന്ന 4 വാൾവുകൾ കാണാനില്ല! മണലിക്കാട് കുടിവെള്ള പദ്ധതിയുടെ മോട്ടോർ ഷെഡിന്റെ വാതിൽ പൊളിച്ച് മോഷണം

പാലക്കാട് ജില്ലയിലെ ചേരാമംഗലത്ത് പഞ്ചായത്ത് കുടിവെള്ള പദ്ധതിയിൽ നിന്ന് വാൾവുകൾ മോഷ്ടിച്ച രണ്ട് പേരെ പോലീസ് അറസ്റ്റ് ചെയ്തു. ഏകദേശം 30,000 രൂപ വിലമതിക്കുന്ന നാല് പൈപ്പുകളാണ് മോഷ്ടിക്കപ്പെട്ടത്.

പാലക്കാട്: പഞ്ചായത്ത് കുടിവെള്ള പദ്ധതിയുടെ മോട്ടോർ ഷെഡിന്റെ വാതിൽ പൊളിച്ച് വാൾവുകൾ മോഷ്ടിച്ച 2 പേർ അറസ്റ്റിൽ. ആലത്തൂർ പൊലീസ് സ്റ്റേഷൻ പരിധിയിലുള്ള ചേരാമംഗലം മണലിക്കാട് എന്ന സ്ഥലത്താണ് മോഷണം. കുനിശ്ശേരി സ്വദേശികളായ നൂർ മുഹമ്മദ്(33), മുരളീധരൻ എന്നിവരാണ് സംഭവവുമായി ബന്ധപ്പെട്ട് പിടിയിലായത്. ഏകദേശം 30,000 രൂപ വില വരുന്ന 4 പൈപ്പുകളാണ് ഇവർ മോഷ്ടിച്ചത്. മോട്ടോർ ഷെഡിന്റെ വാതിൽ തകർത്താണ് മോഷണം. പമ്പ് ഓപ്പറേറ്റായ ചന്ദ്രനാണ് വാൾവുകൾ കാണാനില്ലെന്ന് പറഞ്ഞ് പൊലീസിൽ പരാതി നൽകിയത്. വാൾവുകൾ മോഷ്ടിക്കാൻ ഉപയോഗിച്ച KL 49 D 9960 നമ്പർ ഓട്ടോറിക്ഷയും വാൾവുകളും പൊലീസ് കസ്റ്റഡിയിൽ എടുത്തിട്ടുണ്ട്.