അറങ്ങാലിക്കടവില് കുളിക്കാനിറങ്ങിയ 9 വയസുകാരൻ ഒഴുക്കില്പ്പെട്ടു, രക്ഷിക്കാൻ ചാടിയ യുവാവ് മുങ്ങി മരിച്ചു
Synopsis
ചാലക്കുടി പുഴയിലെ അറങ്ങാലികടവിൽ കുളിക്കാനിറങ്ങിയ എളവൂർ സ്വദേശി കൃഷ്ണൻ (30) മുങ്ങി മരിച്ചു. ഒഴുക്കിൽപ്പെട്ട ഒമ്പതുവയസുകാരനായ കുട്ടിയെ രക്ഷിക്കാൻ ശ്രമിക്കുന്നതിനിടെയാണ് കൃഷ്ണൻ അപകടത്തിൽപ്പെട്ടത്. കുടുംബത്തോടൊപ്പം കുളിക്കാനെത്തിയതായിരുന്നു യുവാവ്.
തൃശൂര്: ചാലക്കുടി കാടുകുറ്റിയില് ചാലക്കുടി പുഴയുടെ അറങ്ങാലികടവില് കുളിക്കാനിറങ്ങിയ യുവാവ് മുങ്ങി മരിച്ചു. പാറക്കടവ് പഞ്ചായത്തിലെ എളവൂര് സ്വദേശി കൊടുമ്പിള്ളി വീട്ടില് ജോഷിയുടെ മകന് കൃഷ്ണന് (30) ആണ് മരിച്ചത്. ഞായര് ഉച്ചയ്ക്ക് 12.30 ഓടെയായിരുന്നു സംഭവം. കുടുംബ സുഹൃത്തുക്കളായ ആറംഗ സംഘമാണ് അറങ്ങാലിക്കടവില് കുളിക്കാനിറങ്ങിയത്. കുളിക്കുന്നതിനിടെ സംഘത്തിലെ ഒമ്പതുവയസുകാരന് ഒഴുക്കില്പ്പെട്ടു. ഈ കുട്ടിയെ രക്ഷിക്കുന്നതിനിടെയാണ് കൃഷ്ണന് ഒഴുക്കിപ്പെട്ടത്. സംഭവ സ്ഥലത്തുണ്ടായിരുന്ന നാട്ടുകാര് ഉടന് കരക്കെത്തിച്ച് ആശുപത്രിയിലേക്ക് കൊണ്ടുപോയെങ്കിലും യാത്രാ മദ്ധ്യേ മരണം സംഭവിക്കുകയായിരുന്നു. സംസ്ക്കാരം പിന്നീട്. അമ്മ: മിനി. സഹോദരന്: അഖില്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam