തലസ്ഥാനത്ത് ടൂറിസ്റ്റ് ബസ്സിൽ നിന്നും 8 കിലോ കഞ്ചാവ് പിടികൂടി, കോഴിക്കോട്ട് രണ്ട് പേരും അറസ്റ്റിൽ

ബാംഗ്ലൂരിൽ നിന്നും വന്ന സ്വകാര്യ ടൂറിസ്റ്റ് ബസ്സിലാണ് സംഭവം. ബസ് ഡ്രൈവർ ഷാജി, ആലപ്പുഴ സ്വദേശി അൻസാരി എന്നിവരെ കസ്റ്റഡിയിലെടുത്തു. 

തിരുവനന്തപുരം: വർക്കലയിൽ അന്തർ സംസ്ഥാന ടൂറിസ്റ്റ് ബസ്സിൽ നിന്നും 8 കിലോ കഞ്ചാവ് പിടികൂടി. 
ബസ് ക്ലീൻ ചെയ്യുന്നതിനിടയിലാണ് ട്രാവലർ ബാഗിൽ സൂക്ഷിച്ചിരുന്ന കഞ്ചാവ് ശേഖരം കണ്ടെത്തിയത്. 
ബാംഗ്ലൂരിൽ നിന്നും വന്ന സ്വകാര്യ ടൂറിസ്റ്റ് ബസ്സിലാണ് സംഭവം. ബസ് ഡ്രൈവർ ഷാജി, ആലപ്പുഴ സ്വദേശി അൻസാരി എന്നിവരെ കസ്റ്റഡിയിലെടുത്തു. 

ലഹരി മരുന്നുമായി യുവാക്കൾ പിടിയിൽ 

കോഴിക്കോട് : കോഴിക്കോട്ട് ലഹരിമരുന്നുമായി രണ്ട് യുവാക്കൾ പിടിയിലായി. മലപ്പുറം മൂച്ചിക്കൽ ചെരക്കുന്നത്ത് ഹൗസിൽ രാഗേഷാണ് 60.650 ഗ്രാം ബ്രൗൺ ഷുഗറുമായി കോഴിക്കോട്ട് പിടിയിലായത്. ഡാൻസാഫും മാറാട് പൊലീസും ചേർന്ന് അരക്കിണറിൽ നിന്നാണ് ഇയാളെ അറസ്റ്റ് ചെയ്തത്. വിൽപ്പന നടത്താനായി മധ്യപ്രദേശിൽ നിന്നാണ് ലഹരി മരുന്നെത്തിച്ചത്.

കല്ലായി സ്വദേശി കുന്നത്തിൽ പറമ്പ് ഫർഹാൻ എം.കെയാണ് അരക്കിലോയോളം ഹാഷിഷുമായി പിടിയിലായത്. ഇയാൾ താമസിക്കുന്ന കല്ലായിലെ വീട്ടിൽ നടത്തിയ പരിശോധനയിലാണ് വില്പനക്കായി കൊണ്ട് വന്ന ഹാഷിഷ് കണ്ടെത്തിയത്. മയക്കുമരുന്ന് കടത്ത് ഉൾപ്പടെ നിരവധി കേസുകളിൽ പ്രതിയാണ് ഫർഹാൻ.