സൈനികന്‍റെ വീട്ടിന് മുന്നില്‍ ഒരു 'പട്ടാള ടാങ്ക്'; സോഷ്യല്‍ മീഡിയയില്‍ വൈറല്‍.!

ഒരു പട്ടാളക്കാരന്‍റെ വീടിന് അനുയോജ്യമായ ഒരു നിര്‍മ്മിതി വേണം എന്ന ആശയത്തിലാണ് ഇത്തരം ഒരു നിര്‍മ്മാണം എന്നാണ് വീട് നിര്‍മ്മിക്കുന്നവര്‍ ഇതിനെക്കുറിച്ച് പറയുന്നത്. 

കൊല്ലം: കൊല്ലം കുണ്ടറയിലെ സൈനികന്‍റെ വീട്ടിന് മുന്നിലെ കൌതുക കാഴ്ചയാണ് ഇപ്പോള്‍ സാമൂഹിക മാധ്യമങ്ങളിലെ ചര്‍ച്ച. ഇവിടുത്തെ കിണറാണ് സംഭവത്തിലെ താരം. കരിപ്ര സ്വദേശിയും സൈനികനുമായ പ്രവീണിന്‍റെ വീട്ടിന് മുന്നിലാണ് ഈ കാഴ്ച. 

ഈ വീട്ടിന് മുന്നിലെ കിണര്‍ ഒരു പട്ടാള ടാങ്കിന്‍റെ മോഡലിലാണ് നിര്‍മ്മിച്ചിരിക്കുന്നത്. ഒരു പട്ടാളക്കാരന്‍റെ വീടിന് അനുയോജ്യമായ ഒരു നിര്‍മ്മിതി വേണം എന്ന ആശയത്തിലാണ് ഇത്തരം ഒരു നിര്‍മ്മാണം എന്നാണ് വീട് നിര്‍മ്മിക്കുന്നവര്‍ ഇതിനെക്കുറിച്ച് പറയുന്നത്. ഇരുപത്ത് ഏഴ് മാതൃകകള്‍ പരിശോധിച്ചാണ് ഇത്തരം ഒരു നിര്‍മ്മാണം നടത്തിയത്.

കാശ്മീരം എന്നാണ് വീടിന് പേര് നല്‍കിയിരിക്കുന്നത്. ഇത്തരം പട്ടാള ടാങ്കിന്‍റെയും മറ്റും കളിപ്പാട്ടം ഇഷ്ടമായ പ്രവീണിന്‍റെ മകന്‍റെ ആഗ്രഹം കൂടി കണക്കിലെടുത്താണ് ഇത്തരം നിര്‍മ്മിതി. തിരുവനന്തപുരത്ത് പ്രദര്‍ശിപ്പിച്ച പഴയ ടാങ്കിന്‍റെ മാതൃകയുടെ അളവുകള്‍ എടുത്താണ് സിമന്‍റില്‍ ഈ 'കിണര്‍' ടാങ്ക് തീര്‍ത്തത്.