
മാങ്കാംകുഴി: ബൈക്ക് നിയന്ത്രണംവിട്ട് വൈദ്യുതി പോസ്റ്റിലിടിച്ചുണ്ടായ അപകടത്തിൽ നേഴ്സായ യുവാവ് മരിച്ചു. മാങ്കാംകുഴി പുതുച്ചിറ ജിതിൻ നിവാസിൽ വിമുക്ത ഭടനായ മധുവിൻറെ മകൻ ജിതിൻ മധു (30 )ആണ് മരിച്ചത്. കഴിഞ്ഞ ദിവസം രാത്രി പതിനൊന്നോടെ വെട്ടിയാർ കോട്ടാലേത്ത് ക്ഷേത്രത്തിന് സമീപം വെച്ചായിരുന്നു അപകടം.
ഉടൻതന്നെ ഇടപ്പോൺ ജോസ്കോ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കോട്ടയത്തെ സ്വകാര്യ ആയുർവേദ ആശുപത്രിയിലെ മെയിൽ നേഴ്സായി ജോലിചെയ്യുകയായിരുന്നു ജിതിൻ. ബൈക്കിൽ ഒപ്പം സഞ്ചരിച്ച പുതുച്ചിറ പുളിവേലിൽ കിഴക്കേതിൽ തരുണിന് പരിക്കേറ്റു. ഇയാളെ മാവേലിക്കര ജില്ലാ ആശുപത്രിയിൽ പ്രവേശിപ്പിച്ചു.മരിച്ച ജിതിൻറെ ഭാര്യ: ശിഷിര, മകൾ: ഋതിക.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam