കളമശ്ശേരിയിൽ പോത്തിന്റെ ആക്രമണം; വയോധികൻ മരിച്ചു

വീടിന് സമീപം മരങ്ങൾ നശിപ്പിക്കുകയായിരുന്ന പോത്തിനെ ഓടിക്കാൻ ശ്രമിക്കുന്നതിനിടെയാണ് ദാരുണമായ സംഭവം നടന്നത്. അപ്രതീക്ഷിത ആക്രമണത്തിൽ കൈപ്പടമുകൾ സ്വദേശിയാണ് മരിച്ചത്.

കൊച്ചി: കളമശ്ശേരിയിൽ പോത്തിന്റെ ആക്രമണത്തിൽ വയോധികൻ മരിച്ചു. കൈപ്പടമുകൾ കൊല്ലംകുടി വീട്ടിൽ അബുവാണ് (73) മരിച്ചത്. കളമശ്ശേരി കൈപ്പടമുകളിൽ ശനിയാഴ്ച വൈകീട്ട് 7 മണിയോടെയാണ് സംഭവം. വീടിന് സമീപത്തെ മരങ്ങൾ കുത്തി മറിക്കുന്നത് കണ്ട് പോത്തിനെ ഓടിക്കാൻ ശ്രമിക്കുന്നതിനിടെ അപ്രതീക്ഷിതമായി പോത്ത് അബുവിനെ ആക്രമിക്കുകയായിരുന്നു.