തൃശൂരിൽ 3 വിദ്യാർത്ഥികളെ കാണാനില്ലെന്ന് പരാതി: കാണാതായത് ഒരേ സ്കൂളിലെ 2 പെണ്കുട്ടികളെയും ആൺകുട്ടിയെയും
Synopsis
ഒമ്പതാം ക്ലാസുകാരായ ഒരു ആണ്കുട്ടിയെയും രണ്ട് പെണ്കുട്ടികളെയുമാണ് കാണാതായത്. ഇന്നലെ രാത്രി പൊലീസില് പരാതി നല്കിയിട്ടും അന്വേഷണം കാര്യക്ഷമല്ലെന്ന് ബന്ധുക്കള് ആരോപിക്കുന്നു.
തൃശൂര്: തൃശൂര് കൂര്ക്കഞ്ചേരിയില് മൂന്ന് വിദ്യാര്ത്ഥികളെ കാണാനില്ലെന്ന വീട്ടുകാരുടെ പരാതിയില് നെടുപുഴ പൊലീസ് കേസെടുത്തു. ഒമ്പതാം ക്ലാസുകാരായ ഒരു ആണ്കുട്ടിയെയും രണ്ട് പെണ്കുട്ടികളെയുമാണ് കാണാതായത്. ഇന്നലെ രാത്രി പൊലീസില് പരാതി നല്കിയിട്ടും അന്വേഷണം കാര്യക്ഷമല്ലെന്ന് ബന്ധുക്കള് ആരോപിക്കുന്നു.
തൃശൂര് കൂര്ക്കഞ്ചേരിയിലെ ഒമ്പതാം ക്ലാസില് പഠിക്കുന്ന മൂന്ന് വിദ്യാര്ത്ഥികളെ കാണാനില്ലെന്നാണ് രക്ഷിതാക്കളുടെ പരാതി. ഇന്നലെ സ്കൂളിലേക്ക് പോയ കുട്ടികള് മടങ്ങിവന്നില്ല. വൈകുന്നേരമായിട്ടും കുട്ടികള് വീട്ടില് എത്താത്തതിനെത്തുടര്ന്ന് രക്ഷിതാക്കള് സ്കൂളിലെത്തുകയായിരുന്നു. അപ്പോഴാണ് മൂന്ന് കുട്ടികളെയും കാണാതായ വിവരം അറിഞ്ഞതെന്നും രക്ഷിതാക്കള് പറയുന്നു. രാത്രിയോടെ രക്ഷിതാക്കള് നെടുപുഴ പൊലീസില് പരാതി നല്കി.
കുട്ടികളില് ഒരാള് വീട്ടില് നിന്നും പണമെടുത്തിട്ടുണ്ടെന്ന് രക്ഷിതാക്കള് പൊലീസിനെ അറിയിച്ചിട്ടുണ്ട്. കുട്ടികളുടെ കൈയ്യില് ഫോണുണ്ടെങ്കിലും സ്വിച്ച് ഓഫ് ചെയ്ത നിലയിലാണെന്ന് പൊലീസ് അറിയിച്ചു. പരാതി നല്കി ഒരു ദിവസം പിന്നിട്ടിട്ടും പൊലീസ് കാര്യക്ഷമമായി അന്വേഷിക്കുന്നില്ലെന്നും കുട്ടികളുടെ രക്ഷിതാക്കള്ക്ക് പരാതിയുണ്ട്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam