
മാന്നാർ: ആലപ്പുഴയില് മാന്നാറിന്റെ പടിഞ്ഞാറൻ മേഖലയിൽ നിരവധി വീടുകൾ വെള്ളപ്പൊക്ക ഭീഷണിയിൽ. മാന്നാർ ഗ്രാമപഞ്ചായത്തിന്റെ പടിഞ്ഞാറൻ മേഖലയിൽ പാവുക്കര, ഒന്ന്, രണ്ട്, മൂന്ന്, നാല് വാർഡുകളിൽ വൈദ്യൻ കോളനി, ഇടത്തെ കോളനി, പാവുക്കര പടിഞ്ഞാറ് മന്തറ കോളനി, അങ്കമാലി, ചെറ്റാ ളപറമ്പിൽ, കല്ലുപുരക്കൽ കോളനി എന്നിവിടങ്ങളിലായി 500 ഓളം വീടുകളിളാണ് വെള്ളപ്പെക്ക ഭീഷണി നേരിടുന്നത്. നിരവധി വീടുകളിൽ വെള്ളം കയറി തുടങ്ങി.
കനത്ത മഴയില് റോഡുകളും, തോടുകളും മുങ്ങി. പഞ്ചായത്ത് ഒന്നാം വാർഡിൽ വള്ളക്കാലിയിൽ ശക്ത്തമായ കാറ്റിൽ മരങ്ങൾ കടപുഴകി വീണ് വൈദ്യുതപോസ്റ്റുകൾ നിലംപതിച്ചു. വള്ളക്കാലി ചക്കിട്ട പാലത്തിനു സമീപം വൈദ്യുത ലൈനിനു മുകളിൽ മുള, ആഞ്ഞിലിമരങ്ങൾ വീണ് മൂന്ന് വൈദ്യുതി പോസ്റ്റ് ഒടിഞ്ഞു വീണു. മാന്നാർ- പരുമല കോട്ടയ്ക്കൽ കടവിന്റെ വടക്കുഭാഗം വെള്ളം കയറി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam