'തൃശൂരില് കുഴിമന്തി കഴിച്ച് ഭക്ഷ്യവിഷബാധ'; 85 പേര് ആശുപത്രിയില്
Synopsis
പെരിഞ്ഞനം വടക്കേ ഭാഗത്ത് പ്രവര്ത്തിക്കുന്ന ഹോട്ടലില് നിന്നും കുഴിമന്തിയടക്കമുള്ള ഭക്ഷണങ്ങള് കഴിച്ചവര്ക്കാണ് ഭക്ഷ്യവിഷബാധയേറ്റത്.
തൃശൂര്: കൊടുങ്ങല്ലൂരില് കുഴിമന്തി കഴിച്ച് ഭക്ഷ്യവിഷബാധയേറ്റ സംഭവത്തില് ആശുപത്രിയില് പ്രവേശിപ്പിച്ചവരുടെ എണ്ണം 85 ആയി. കൊടുങ്ങല്ലൂര് പെരിഞ്ഞനത്തെ ഹോട്ടലില് നിന്നും ഭക്ഷണം കഴിച്ചതിനെ തുടര്ന്നാണ് 85 പേര്ക്ക് ഭക്ഷ്യവിഷബാധയേറ്റത്. ഇവരില് അന്പതോളം പേര് ഇപ്പോഴും വിവിധ ആശുപത്രികളില് നിരീക്ഷണത്തില് കഴിയുകയാണ്.
സാരമായി വിഷബാധയേറ്റ ഒരു യുവതി കൊടുങ്ങല്ലൂര് മോഡേണ് ആശുപത്രിയില് ഐ.സി.യുവിലാണ്. പെരിഞ്ഞനം വടക്കേ ഭാഗത്ത് പ്രവര്ത്തിക്കുന്ന ഹോട്ടലില് നിന്നും കുഴിമന്തിയടക്കമുള്ള ഭക്ഷണങ്ങള് കഴിച്ചവര്ക്കാണ് വിഷബാധയേറ്റത്. സംഭവത്തെ തുടര്ന്ന് ആരോഗ്യവകുപ്പും പഞ്ചായത്ത് അധികൃതരും ഫുഡ് ആന്ഡ് സേഫ്റ്റി വിഭാഗവും ഹോട്ടലില് പരിശോധന നടത്തി ഹോട്ടല് അടപ്പിച്ചു. മൂന്നുപീടിക ടെമ്പോ സ്റ്റാന്ഡിനടുത്തുള്ള സെയിന് ഹോട്ടലാണ് അടപ്പിച്ചത്. ഇവിടെ നിന്നും സാംപിളുകള് ശേഖരിച്ച് പരിശോധനയ്ക്ക് കൊണ്ടുപോയെന്നും ആരോഗ്യവകുപ്പ് ഉദ്യോഗസ്ഥര് അറിയിച്ചു.
ഗൂഗിള് മാപ്പ് നോക്കിയാണോ യാത്രകള്?; അപകടങ്ങളില് ചാടും മുന്പ് അറിഞ്ഞിരിക്കണം ഇക്കാര്യങ്ങള്
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam