ലോക്ക്ഡൌണ്‍ നിയന്ത്രണങ്ങൾ ലംഘിച്ച് ഫുട്‌ബോൾ; അരലക്ഷം രൂപ പിഴയിട്ട് പൊലീസ്

കളിക്കാരുടെ വാഹനങ്ങളും മൊബൈൽ ഫോണും പിടിച്ചെടുത്ത പോലീസ് എടരിക്കോട്ടെ ടർഫ് ഉടമക്കെതിരെ പോലീസ് കേസെടുക്കുകയും ചെയ്തു. 

കോട്ടക്കൽ: നിയന്ത്രണങ്ങൾ ലംഘിച്ച് ഫുട്‌ബോൾ കളിച്ചവരെ പൊലീസ് പിടികൂടി പിഴയീടാക്കി. എടരിക്കോട് ടർഫ്, കോട്ടൂർ സ്‌കൂൾ മൈതാനം എന്നിവിടങ്ങളിലാണ് യുവാക്കൾ കളിക്കാനിറങ്ങിയത്. കളിക്കാരുടെ വാഹനങ്ങളും മൊബൈൽ ഫോണും പിടിച്ചെടുത്ത പോലീസ് എടരിക്കോട്ടെ ടർഫ് ഉടമക്കെതിരെ പോലീസ് കേസെടുക്കുകയും ചെയ്തു. 18 ഓളം പേരാണ് ഈ ടർഫിൽ ഒരു സുരക്ഷ സംവിധാനവുമില്ലാതെ കളിച്ചിരുന്നത്. കോട്ടൂർ സ്‌കൂൾ മൈതാനിയിൽ പത്തോളം പേരാണ് കളിച്ചിരുന്നത്. അര ലക്ഷത്തോളം രൂപയാണ് പൊലീസ് പിഴയിനത്തിൽ ഈടാക്കിയത്. 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona