മീന്‍ പിടിക്കാന്‍വച്ച കൂട്ടില്‍ കയറിയത് 'ഭീകരന്‍'; ഭയന്ന് നാട്ടുകാര്‍

എടത്വാ പാണ്ടങ്കരി മുപ്പത്തിനാലില്‍ പാലത്തിന് സമീപത്ത് തോട്ടില്‍ മീന്‍ പിടിക്കാനായി ഇട്ടിരുന്ന കൂട്ടിലാണ് പെരുമ്പാമ്പ് കയറിയത്. എട്ടടിയോളം വരുന്ന പാമ്പിനെ കണ്ട് ഭയന്ന നാട്ടുകാര്‍ പൊലീസിനെ വിളിക്കുകയായിരുന്നു.

എടത്വാ: ലോക്ക്ഡൌണ്‍ കാലത്ത് മീനിനെ പിടിക്കാന്‍ വച്ച കൂട്ടില്‍ കയറിയത് പെരുമ്പാമ്പ്. ആലപ്പുഴ എടത്വായിലാണ് സംഭവം. എടത്വാ പാണ്ടങ്കരി മുപ്പത്തിനാലില്‍ പാലത്തിന് സമീപത്ത് തോട്ടില്‍ മീന്‍ പിടിക്കാനായി ഇട്ടിരുന്ന കൂട്ടിലാണ് പെരുമ്പാമ്പ് കയറിയത്. എട്ടടിയോളം വരുന്ന പാമ്പിനെ കണ്ട് ഭയന്ന നാട്ടുകാര്‍ പൊലീസിനെ വിളിക്കുകയായിരുന്നു. എടത്വാ എസ് ഐ സിസില്‍ രാജ് വിവരമറിയിച്ചതിനെ തുടര്‍ന്ന് പ്രജീഷ് ചക്കുളം സ്ഥത്തെത്തി പെരുമ്പാമ്പിനെ പിടികൂടുകയായിരുന്നു. പിടികൂടിയ പാമ്പിനെ റാന്നി ഫോറസ്റ്റ് ഓഫീസിന് കൈമാറി.