നിയന്ത്രണം വിട്ട പെട്ടി ഓട്ടോ മതിലിൽ ഇടിച്ച് മറിഞ്ഞ് അപകടം; ഒരാൾക്ക് ദാരുണാന്ത്യം

ആലത്തൂർ വാനൂർ ലക്ഷംവീട് കോളനി ഷാജഹാൻ (55) ആണ് മരിച്ചത്. ശനിയാഴ്ച ഉച്ചയോടെയാണ് സംഭവം.

പാലക്കാട്: പാലക്കാട് ആലത്തൂർ വാനൂരിൽ നിയന്ത്രണം വിട്ട പെട്ടി ഓട്ടോ മറിഞ്ഞ് ഒരാൾ മരിച്ചു. ആലത്തൂർ വാനൂർ ലക്ഷംവീട് കോളനി ഷാജഹാൻ (55) ആണ് മരിച്ചത്. ശനിയാഴ്ച ഉച്ചയോടെയാണ് സംഭവം. ദേശീയപാത സർവീസ് റോഡിൽ നിന്നും വാനൂർ റോഡിൽ നിയന്ത്രണം വിട്ട പെട്ടി ഓട്ടോ സമീപത്തെ മതിലിൽ ഇടിച്ചു മറിയുകയായിരുന്നു. ഓട്ടോ ഡ്രൈവറുടെ സമീപം കൂടെ സഞ്ചരിച്ച ആളാണ് ഷാജഹാൻ.