വിയ്യൂർ ജയിലിൽ കയറവെ പരിശോധനക്ക് പ്രതി വിസമ്മതിച്ചു, ശേഷം എക്സ്റേ അടക്കമെടുത്തു; ഒടുവിൽ കണ്ടെത്തിയത് ഹാഷിഷ്

ഹൈക്കോടതിയിൽ നിന്ന് അഞ്ച് ദിവസത്തെ ഇടക്കാല ജാമ്യത്തിൽ ജയിൽ നിന്ന് ഇറങ്ങിയ രതീഷ് തിങ്കളാഴ്ച തിരിച്ച് ജയിലിലേക്ക് പ്രവേശിപ്പിക്കുമ്പോൾ പരിശോധനയ്ക്ക് വിസമ്മതിച്ചു

തൃശൂർ: വിയ്യൂർ അതിസുരക്ഷ ജയിലിലെ തടവുകാരനിൽ നിന്ന് രണ്ട് ചെറിയ കുപ്പിയിൽ ഒളിപ്പിച്ച ഹാഷിഷ് ഓയിൽ പിടികൂടി. മലദ്വാരത്തിൽ ഒളിപ്പിച്ച് കടത്തിയ ഹാഷിഷ് ഓയിലാണ് പിടികൂടിയത്. പോക്സോ കേസിൽ ജീവപര്യന്തം ശിക്ഷ അനുഭവിക്കുന്ന പുതുക്കാട് സ്വദേശി രതീഷിൽ നിന്നാണ് ( 35 ) ഹാഷിഷ് ഓയിൽ പിടികൂടിയത്. ഹൈക്കോടതിയിൽ നിന്ന് അഞ്ച് ദിവസത്തെ ഇടക്കാല ജാമ്യത്തിൽ ജയിൽ നിന്ന് ഇറങ്ങിയ രതീഷ് തിങ്കളാഴ്ച തിരിച്ച് ജയിലിലേക്ക് പ്രവേശിപ്പിക്കുമ്പോൾ പരിശോധനയ്ക്ക് വിസമ്മതിച്ചു. ഇതോടെ സംശയം തോന്നിയ ജയിൽ അധികൃതർ എക്സ്റേയ്ക്ക് വിധേയനാക്കി. ഇതിലാണ് മലദ്വാരത്തിൽ ഒളിപ്പിച്ച നിലയിൽ വസ്തുക്കൾ കണ്ടെത്തിയത്. തുടർന്ന് മെഡിക്കൽ കോളേജിൽ എത്തിച്ച് ഇവ പുറത്തെടുത്തു. തൊണ്ടിമുതൽ വിയ്യൂർ പൊലീസിന് കൈമാറുകയും ചെയ്തു.

വീഡ‍ിയോ കാണാം

അതേസമയം ആലപ്പുഴയിൽ നിന്ന് പുറത്തുവന്ന മറ്റൊരു വാർത്ത വീട്ടു​പ​രി​​സ​ര​ത്തു ക​ഞ്ചാ​വ് ചെ​ടി​വ​ള​ർ​ത്തി​യ യു​വാ​വിനെ പൊലീസ് അ​റ​സ്റ്റ് ചെയ്തു എന്നതാണ്. മാ​ന്നാ​ർ കു​ട്ടം​പേ​രൂ​ർ കൊ​ട്ടാ​ര​ത്തിൽ​പു​ഴ കി​ഴ​ക്കേ​തി​ൽ പ്ര​ശാ​ന്താ​ണ്​ ( 31 ) അ​റ​സ്റ്റി​ലാ​യ​ത്. നാ​ലു​മാ​സ​മാ​യി ഇ​യാ​ൾ ത​ന്റെ വീ​ടി​ന്റെ പി​ൻ​വ​ശ​ത്ത് ര​ഹ​സ്യ​മാ​യി ചെ​ടി​ച്ച​ട്ടി​യി​ൽ ക​ഞ്ചാ​വ് ചെ​ടി വ​ള​ർ​ത്തി പ​രി​പാ​ലി​ച്ചു വ​രി​ക​യാ​യി​രു​ന്നു. കഞ്ചാവ് ഒ​ന്ന​ര മീ​റ്റ​റോ​ളം നീ​ള​ത്തി​ൽ വ​ള​ർ​ന്നതായി പൊലീസ് പറഞ്ഞു. ആ​ല​പ്പു​ഴ ജി​ല്ല പൊ​ലീ​സ് മേ​ധാ​വി ചൈ​ത്ര തെ​രേ​സ ജോ​ണി​ന്റെ നി​ർ​ദേ​ശ​പ്ര​കാ​രം മാ​ന്നാ​ർ പൊ​ലീ​സ് എ​സ് എ​ച്ച് ഒ ജോ​സ് മാ​ത്യു​വി​ന്റെ നേ​തൃ​ത്വ​ത്തി​ൽ എ​സ് ഐ​മാ​രാ​യ സി എ​സ് അ​ഭി​റാം, ശ്രീ​കു​മാ​ർ, സു​രേ​ഷ്, എ എ​സ് ​ഐ​മാ​രാ​യ മ​ധു​സൂ​ദ​ന​ൻ, ബി​ന്ദു, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ സാ​ജി​ദ്, സി​ദ്ദീ​ഖു​ൽ അ​ക്ബ​ർ, ഹ​രി​പ്ര​സാ​ദ്, വ​നി​ത സി​വി​ൽ പൊ​ലീ​സ് ഓ​ഫി​സ​ർ ഗി​രി​ജ, ആ​ല​പ്പു​ഴ ജി​ല്ല ഡാ​ൻ​സാ​ഫ് ടീം ​എ​ന്നി​വ​ർ ചേ​ർ​ന്ന് ന​ട​ത്തി​യ പരിശോധന​യി​ലാ​ണ് ക​ഞ്ചാ​വ് ചെ​ടി ക​ണ്ടെ​ത്തിയത്. തുടർന്ന് പ്രതിയെ അറസ്റ്റ് ചെയ്യുകയായിരുന്നു.