കാറ്റിലും മഴയിലും മരം വീണ് വീട് തകര്‍ന്നു

അയൽപക്കത്തെ വീട്ടിൽനിന്ന ആഞ്ഞിലി മരമാണ് ഇവരുടെ വീടിനു മുകളിലേക്ക് കടപുഴകി വീണത്

ഹരിപ്പാട്: ശക്തമായ കാറ്റിലും മഴയിലും വീടിന് മുകളിൽ മരം വീണു. കാർത്തികപ്പള്ളി അഞ്ചാം വാർഡിൽ ഉദയപുരം ഭാമിനിയുടെ വീടിന് മുകളിൽ കഴിഞ്ഞ ദിവസം ഉച്ചയോടെയാണ് മരം വീണത്. അയൽപക്കത്തെ പറമ്പിലെ ആഞ്ഞിലി മരമാണ് ഇവരുടെ വീടിന് മുകളിലേക്ക് കടപുഴകി വീണത്. വീടിന്റെ രണ്ട് മുറികളുടെ ഓട് പാകിയ മേൽക്കൂര പൂർണമായും തകർന്നു. 

ഭാമിനിയും മകളും ഈ സമയം വീട്ടിൽ ഉണ്ടായിരുന്നുവെങ്കിലും മേൽക്കൂരയ്ക്കു താഴെ മച്ചുള്ളതിനാൽ അപകടം ഒന്നും ഉണ്ടായില്ല.