തലയില്‍ തൊപ്പിയും മുഖത്ത് മാസ്കും, ഒരാൾക്ക് മുടന്തും, ആൾതാമസമില്ലാത്ത വീട്ടിലെ മോഷണശ്രമം പൊളിച്ചത് വിദേശ ഇടപെടൽ

Published : Nov 18, 2026, 01:46 AM IST
Purakkad theft

Synopsis

തലയില്‍ തൊപ്പിയും മുഖത്ത് മാസ്കുമിട്ടാണ് മോഷ്ടാക്കള്‍ വീട്ടിലെത്തിയത്. മോഷ്ടാക്കളില്‍ ഒരാള്‍ക്ക് കാലിന് മുടന്തുമുണ്ടെന്നാണ് ദൃശ്യങ്ങളില്‍ നിന്ന് കിട്ടുന്ന സൂചന.

ആലപ്പുഴ: അമ്പലപ്പുഴ പുറക്കാട്ട് ആള്‍താമസമില്ലാത്ത വീട്ടിലെ മോഷണ ശ്രമം വിദേശത്തിരുന്ന് വീട്ടുടമ പൊളിച്ചു. കളളന്‍മാര്‍ കയറിയ ദൃശ്യങ്ങള്‍ സിസിടിവിയിലൂടെ കണ്ട വീട്ടുടമ ഗള്‍ഫില്‍ നിന്ന് വിവരം അയല്‍ക്കാരെ അറിയിച്ചതോടെയാണ് കളളന്‍മാര്‍ക്ക് മോഷണശ്രമം ഉപേക്ഷിച്ച് രക്ഷപ്പെടേണ്ടി വന്നത്. മോഷ്ടാക്കള്‍ പ്രായപൂര്‍ത്തിയാകാത്ത കൗമാരക്കാരാണെന്ന സംശയത്തിലാണ് പൊലീസുള്ളത്.

പുറക്കാട് കരൂര്‍ സീനാ മന്‍സില്‍ എന്ന വീട്ടിലായിരുന്നു മോഷണ ശ്രമം. പുലര്‍ച്ചെ മൂന്നു മണിയോടെയായിരുന്നു സംഭവം. തലയില്‍ തൊപ്പിയും മുഖത്ത് മാസ്കുമിട്ടാണ് മോഷ്ടാക്കള്‍ വീട്ടിലെത്തിയത്. മോഷ്ടാക്കളില്‍ ഒരാള്‍ക്ക് കാലിന് മുടന്തുമുണ്ടെന്നാണ് ദൃശ്യങ്ങളില്‍ നിന്ന് കിട്ടുന്ന സൂചന. വീടിന്‍റെ വരാന്തയില്‍ കയറിയ ശേഷം ഒരാള്‍ സിസിടിവി തിരിച്ചു വയ്ക്കുന്നുണ്ട്. വീടിന്‍റെ ഉടമ ഖദീജാ ബീവി വിദേശത്താണ്. കളളന്‍മാര്‍ കയറിയ സമയത്ത് വീട്ടുടമ സിസിടിവി ദൃശ്യങ്ങള്‍ ശ്രദ്ധിച്ചിരുന്നു. ഈ സമയം തന്നെ നാട്ടിലുളള ബന്ധുക്കളെ വിളിച്ചറിയിച്ചു. അയല്‍വാസിയായ ബാബുവും മറ്റ് നാട്ടുകാരും വീട്ടിലേക്ക് എത്തുന്ന ശബ്ദം കേട്ട് മോഷ്ടാക്കള്‍ മതിലുചാടി രക്ഷപ്പെടുകയായിരുന്നു. ഇതിന്‍റെ ദൃശ്യങ്ങളും പൊലീസിന് കിട്ടിയിട്ടുണ്ട്.

മോഷ്ടാക്കളില്‍ ഒരാളുടെ തൊപ്പി വീടിന് സമീപത്തു നിന്ന് പൊലീസ് കണ്ടെടുത്തു. സമീപത്തു തന്നെയുളള ഒരു കടയില്‍ നിന്ന് വാങ്ങിയതാണ് ഈ തൊപ്പിയെന്നും വ്യക്തമായിട്ടുണ്ട്. വീടിന്‍റെ വാതില്‍ തകര്‍ക്കാന്‍ ഉപയോഗിച്ച കമ്പിപ്പാരയും പൊലീസിനു കിട്ടി. സമീപദിവസങ്ങളില്‍ അമ്പലപ്പുഴയില്‍ നടന്ന പല മോഷണങ്ങള്‍ക്കും പിന്നില്‍ ഈ സംഘമാണെന്ന സംശയം പൊലീസിനുണ്ട്.

ഏഷ്യാനെറ്റ് ന്യൂസ് ലൈവ് കാണാം

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

ആശുപത്രിക്കെതിരെ വ്യാജ വാർത്ത, പിൻവലിക്കാൻ ഡോക്ടറിൽ നിന്ന് ഡിസിസി അംഗം 10 ലക്ഷം വാങ്ങുന്ന ദൃശ്യങ്ങൾ പുറത്ത്
കാർ തടഞ്ഞ് ഡ്രൈവറെ തള്ളിയിട്ട് വാഹനവുമായി കടന്നു; നാലംഗ സംഘം പിടിയിൽ