കൊടുങ്ങല്ലൂരിൽ അടുക്കള വാതിൽ കുത്തിത്തുറന്ന് വീട്ടമ്മയുടെ മാല കവർന്നു, സമീപ വീടുകളിലും മോഷണ ശ്രമം

പുലർച്ചെ ഒരു മണിയോടെയായിരുന്നു സംഭവം. ഉറങ്ങിക്കിടക്കുകയായിരുന്ന വീട്ടമ്മയുടെ മാല പൊട്ടിച്ച് രക്ഷപ്പെടുകയായിരുന്നു

തൃശൂർ: കൊടുങ്ങല്ലൂർ മേത്തല ചാലക്കുളത്ത് വീടിൻ്റെ അടുക്കള വാതിൽ കുത്തിത്തുറന്ന് വീട്ടമ്മയുടെ മാല കവർന്നു.ചാലക്കുളം തലപ്പള്ളി അജിത്തിൻ്റെ വീട്ടിലാണ് മോഷണം നടന്നത്. ഇന്ന് പുലർച്ചെ ഒരു മണിയോടെയായിരുന്നു സംഭവം. ഉറങ്ങിക്കിടക്കുകയായിരുന്ന അജിത്തിൻ്റെ ഭാര്യ ഹേമയുടെ ഒന്നര പവൻ തൂക്കമുള്ള മാലയാണ് കവർന്നത് .

മാല പൊട്ടിക്കുന്നതിനിടെ ഹേമ ഉണർന്ന് ബഹളം വെച്ചതോടെ മോഷ്ടാവ് ഓടി രക്ഷപ്പെട്ടു. സമീപത്തുള്ള മറ്റൊരു വീട്ടിലും, അഞ്ചപ്പാലത്തും മോഷശ്രമം നടന്നിട്ടുണ്ട്