ബസ്സ്റ്റാന്റിൽ ശല്യക്കാരൻ, തടയാനെത്തിയ പൊലീസുകാരന്റെ വിരൽ കടിച്ചുമുറിച്ചു; പ്രതി പിടിയിൽ
Published : Nov 30, 2023, 07:42 PM IST
Synopsis
ആലപ്പുഴ സൗത്ത് പൊലീസ് സ്റ്റേഷൻ സീനിയർ സിവിൽ പൊലീസ് ഓഫീസർ വി വി ഹരിയെ ആണ് പ്രതി ആക്രമിച്ചത്.
ആലപ്പുഴ: ആലപ്പുഴയിൽ പൊലീസ് ഉദ്യോഗസ്ഥനെ ആക്രമിച്ച് വിരൽ കടിച്ച മുറിച്ച കേസിലെ പ്രതി പിടിയില്. കന്യാകുമാരി സ്വദേശി വിജു (38) വിനെയാണ് പൊലീസ് അറസ്റ്റ് ചെയ്തത്. ആലപ്പുഴ കെഎസ്ആര്ടിസി ബസ് സ്റ്റാന്റിലാണ് സംഭവം.ബസ്സ്റ്റാന്റിൽ പൊതുജനങ്ങൾക്ക് ശല്യമുണ്ടാക്കിയ വിജുവിനെ തടയുവാൻ ശ്രമിച്ചപ്പോഴായിരുന്നു ആക്രമണം.
ആലപ്പുഴ സൗത്ത് പൊലീസ് സ്റ്റേഷൻ സീനിയർ സിവിൽ പൊലീസ് ഓഫീസർ വി വി ഹരിയെ ആണ് പ്രതി ആക്രമിച്ചത്. പ്രതിയെ പിടിക്കാനെത്തിയ ഹരിയുടെ വലത് കൈവിരൽ വിജു കടിച്ചു മുറിക്കുകയായിരുന്നു. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു. എസ് ഐ മാരായ ചന്ദ്രബാബു, സാലിമോൻ സിപിഒ അനുരാഗ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
Read more Articles on