കാസർകോട് നിന്നെത്തി കോഴിക്കോട് പലയിടത്തായി മുറിയെടുക്കും, വാട്സ് ആപ് വഴി കച്ചവടം, ഒടുവിൽ ശ്രീജിത്തിന് പിടിവീണു
Synopsis
കാസര്കോട് നിന്നും വന് തോതില് കഞ്ചാവ് എത്തിച്ച് കോഴിക്കോട് പല ഭാഗങ്ങളിലായി മുറിയെടുത്തും വാട്സാപ്പ് വഴി ആവശ്യക്കാരെ ബന്ധപ്പെട്ടും സിറ്റിയിലെ പല ഭാഗങ്ങളിലും കഞ്ചാവ് എത്തിച്ച് വില്പ്പന നടത്തുന്നതാണ് ശ്രീജിത്തിന്റെ രീതി.
കോഴിക്കോട്: യുവാക്കളെയും വിദ്യാര്ഥികളെയും ലക്ഷ്യമിട്ട് കോഴിക്കോട്ട് കഞ്ചാവ് വിതരണം പതിവാക്കിയ സംഘത്തിലെ പ്രധാനിയെ പൊലീസ് പിടികൂടി. കാസര്കോട് ബദിയടുക്ക കോബ്രാജ വീട്ടില് ജി സി ശ്രീജിത്ത്(30) ആണ് പിടിയിലായത്. രാമനാട്ടുകര മേല്പ്പാലത്തിന് താഴെ വില്പ്പനക്കായി കൊണ്ട് വന്ന രണ്ട് കിലോഗ്രാം കഞ്ചാവ് ആവശ്യക്കാര്ക്ക് കൈമാറാന് ഒരുങ്ങുന്നതിനിടെയാണ് ഇയാളെ പിടികൂടിയത്. വിദ്യാര്ഥികളെയും യുവാക്കളെയും ലക്ഷ്യമിട്ട് ഫറോക്ക്, രാമനാട്ടുകര എന്നിവിടങ്ങള് ലഹരി മാഫിയ പ്രവര്ത്തിക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തില് പൊലീസ് നടത്തിയ പരിശോധനയിലാണ് ശ്രീജിത്തിനെ കണ്ടെത്തിയത്.
കാസര്കോട് നിന്നും വന് തോതില് കഞ്ചാവ് എത്തിച്ച് കോഴിക്കോട് പല ഭാഗങ്ങളിലായി മുറിയെടുത്തും വാട്സാപ്പ് വഴി ആവശ്യക്കാരെ ബന്ധപ്പെട്ടും സിറ്റിയിലെ പല ഭാഗങ്ങളിലും കഞ്ചാവ് എത്തിച്ച് വില്പ്പന നടത്തുന്നതാണ് ശ്രീജിത്തിന്റെ രീതി. കോഴിക്കോട് സിറ്റി നാര്ക്കോട്ടിക്ക് സെല് അസിസ്റ്റന്റ് കമ്മീഷണര് കെ എ ബോസിന്റെ നേതൃത്വത്തിലുള്ള ഡാന്സാഫ് ടീമും ഫറോക്ക് എസ്ഐ ആര് എസ് വിനയന്റെ നേതൃത്വത്തിലുള്ള ഫറോക്ക് പൊലീസും ചേര്ന്നാണ് പ്രതിയെ പിടികൂടിയത്. ശ്രീജിത്ത് പിടിയിലായതോടെ ഇയാളുടെ സംഘത്തില്പ്പെട്ട ആളുകളുടെ വിവരവും പോലീസിന് ലഭിച്ചിട്ടുണ്ട്. സംഘാംഗങ്ങളെയും ഉടന് പിടികൂടാന് സാധിക്കുമെന്ന പ്രതീക്ഷയിലാണ് അന്വേഷണ സംഘം.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam