റെയില്വെ ട്രാക്കില് യുവതി മരിച്ച നിലയില്; ട്രെയിനില് നിന്ന് വീണതെന്ന് സംശയം
Synopsis
കോഴിക്കോട്ടെ ഒരു സ്വകാര്യ സ്ഥാപനത്തില് ഹ്യൂമന് റിസോര്സ് മാനേജരാണ് ഐശ്വര്യ.
കാസര്ഗോഡ്: കാസര്ഗോഡ് പള്ളിക്കരയില് റെയില്വെ ട്രാക്കില് യുവതിയെ മരിച്ച നിലയില് കണ്ടെത്തി. ഓടി കൊണ്ടിരുന്ന ട്രെയിനില് നിന്ന് വീണതാകാമെന്നാണ് നിഗമനം. വയനാട് കല്പ്പറ്റ കാവുംമന്ദം മഞ്ജുമലയില് വീട്ടില് എവി ജോസഫിന്റെ മകള് ഐശ്വര്യ ജോസഫ് (30) ആണ് മരിച്ചത്.
പള്ളിക്കര മസ്തിഗുഡ്ഡെയില് റെയില്വെ ട്രാക്കിന് സമീപത്താണ് മൃതദേഹം കണ്ടെത്തിയത്. ഇന്നലെ രാത്രി ഒന്പതോടെയാണ് അപകടം നടന്നതെന്ന് കരുതുന്നതായി പൊലീസ് പറഞ്ഞു. ബേക്കല് ഭാഗത്ത് പാളത്തില് ഒരാള് വീണു കിടക്കുന്നുവെന്ന വിവരം മറ്റൊരു ട്രെയിനിന്റെ ലോക്കോ പൈലറ്റ് കാസര്ഗോഡ് റെയില്വെ പൊലീസിനെ അറിയിക്കുകയായിരുന്നു. ഉടന് സ്ഥലത്തെത്തിയ പൊലീസ് യുവതിയെ കണ്ടെത്തി ആശുപത്രിയില് എത്തിച്ചെങ്കിലും മരണം സ്ഥിരീകരിക്കുകയായിരുന്നു.
മൃതദേഹത്തിന് സമീപത്ത് നിന്ന് ലഭിച്ച പഴ്സിലെ തിരിച്ചറിയല് കാര്ഡില് നിന്നാണ് യുവതിയെ തിരിച്ചറിഞ്ഞത്. കോഴിക്കോട്ടെ ഒരു സ്വകാര്യ സ്ഥാപനത്തില് ഹ്യൂമന് റിസോര്സ് മാനേജരാണ് ഐശ്വര്യ.
'നടന്നത് തന്നെയെന്ന് പരിഹസിച്ചവരോട്', നവകേരള സദസിലെ പരാതിക്ക് 17-ാം ദിവസം നടപടിയായെന്ന് ബെന്യാമിന്
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam