ഗൂഡല്ലൂർ സ്വദേശിയെ കോഴിക്കോട് പൊക്കി, ഒന്നും രണ്ടുമല്ല, രേഖകളിൽ 20ഓളം കേസുകള്; കാപ്പ ചുമത്തി ജയിലിലാക്കി
Synopsis
കബീറിന്റെ പേരില് മോഷണം, പൊലീസിന്റെ ഔദ്യോഗിക കൃത്യനിര്വഹണം തടസ്സപ്പെടുത്തല്, ദേഹോപദ്രവം ഏല്പിക്കല് തുടങ്ങിയ കേസുകളാണ് നിലവിലുള്ളത്.
കോഴിക്കോട്: സംസ്ഥാനത്തെ വിവിധ സ്റ്റേഷനുകളിലായി ഇരുപതോളം കേസുകളില് പ്രതിയായ മോഷ്ടാവിനെ കാപ്പ ചുമത്തി ജയിലില് അടച്ചു. ഗൂഡല്ലൂര് ബിതര്ക്കാട് മേലാത്ത് വീട്ടില് അബ്ദുല് കബീറി(56)നെതിരെയാണ് കോഴിക്കോട് ചേവായൂര് പൊലീസ് നടപടി സ്വീകരിച്ചത്. മലാപ്പറമ്പ് സ്വദേശിയുടെ വീട്ടില് മോഷണം നടത്തിയ കുറ്റത്തിന് കോഴിക്കോട് ജില്ലാ ജയിലില് തടവില് കഴിയുകയായിരുന്നു ഇയാള്. കാപ്പ ചുമത്തിയതിനെ തുടര്ന്ന് ജില്ലാ ജയിലില് നിന്ന് പൊലീസ് കസ്റ്റഡിയില് വാങ്ങുകയും കണ്ണൂര് സെന്ട്രല് ജയിലിലേക്ക് മാറ്റുകയും ചെയ്തു.
കബീറിന്റെ പേരില് മോഷണം, പൊലീസിന്റെ ഔദ്യോഗിക കൃത്യനിര്വഹണം തടസ്സപ്പെടുത്തല്, ദേഹോപദ്രവം ഏല്പിക്കല് തുടങ്ങിയ കേസുകളാണ് നിലവിലുള്ളത്. കണ്ണൂര്, മലപ്പുറം, വയനാട്, കോഴിക്കോട് ജില്ലകളില് സ്റ്റേഷനുകളില് ഇയാളുടെ പേരില് കേസുകളുണ്ട്. ചേവായൂര് ഇന്സ്പെക്ടര് നല്കിയ പ്രാഥമിക റിപ്പോര്ട്ടിന്റെ അടിസ്ഥാനത്തില് സിറ്റി ഡെപ്യൂട്ടി പൊലീസ് കമ്മീഷണര് അരുണ് കെ പവിത്രന്റെ ശുപാര്ശയില് കളക്ടറാണ് പുതിയ ഉത്തരവിറക്കിയത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam