കൂടരഞ്ഞിയിൽ ബൈക്ക് നിയന്ത്രണം വിട്ട് കൊക്കയിലേക്ക് മറിഞ്ഞ് അപകടം, ചികിത്സയിലിരുന്ന യുവാവ് മരിച്ചു
Synopsis
ഓമശ്ശേരിയിലെ എസ് എസ് എഫ് പ്രവര്ത്തകനായിരുന്നു ഹാരിസ്
കോഴിക്കോട്: കൂടരഞ്ഞിയില് ബൈക്ക് നിയന്ത്രണം വിട്ട് കൊക്കയിലേക്ക് മറിഞ്ഞ് ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു. ഓമശ്ശേരി പെരുമ്പൊയില് പരേതനായ മുഹമ്മദിന്റെ മകന് ഹാരിസ് (27) ആണ് മരിച്ചത്. കഴിഞ്ഞ ഞായറാഴ്ച വൈകീട്ട് നാലോടെ നായാടാംപൊയില് - പെരുമ്പൂള റോഡില് വെച്ചാണ് അപകടമുണ്ടായത്. ബൈക്കിന്റെ ബ്രേക്ക് നഷ്ടപ്പെട്ടതിനെ തുടര്ന്ന് നിയന്ത്രണം വിട്ട് കൊക്കയിലേക്ക് മറിയുകയായിരുന്നുവെന്നാണ് ലഭിക്കുന്ന വിവരം.
നായ കുറുകെ ചാടി ഓട്ടോറിക്ഷ മറിഞ്ഞു; മലപ്പുറം എടപ്പാളിൽ ഡ്രൈവർക്ക് ദാരുണാന്ത്യം
കോഴിക്കോട് മെഡിക്കല് കോളേജ് ആശുപത്രിയില് വെന്റിലേറ്ററില് ചികിത്സയിലിരുന്ന ഹാരിസ് ഇന്നാണ് മരണത്തിന് കീഴടങ്ങിയത്. പോസ്റ്റ്മോര്ട്ടം നടപടിക്രമങ്ങള്ക്ക് ശേഷം ഓമശ്ശേരി ചോലക്കല് റഹ്മാനിയ ജുമാ മസ്ജിദില് ഖബറടക്കും. ഓമശ്ശേരിയിലെ എസ് എസ് എഫ് പ്രവര്ത്തകനായിരുന്നു ഹാരിസ്. മാതാവ്: സൈനബ. സഹോദരങ്ങള്: ഡോ. സലാം സഖാഫി, അബ്ദുറഹ്മാന്, ജാബിര് സഖാഫി.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam