ഒരാൾ പഴുത്ത ഞാവൽ നോക്കി വാങ്ങുന്നുവെന്ന് രഹസ്യ വിവരം, പ്രീമിയം വാറ്റ്, കുപ്പിക്ക് 1000 രൂപ; 5 ലിറ്ററുമായി പൊക്കി
Synopsis
ഞാവല് ഇട്ട് വാറ്റിയ ചാരായം ഓട്ടോറിക്ഷയില് കടത്തുകയായിരുന്ന വരന്തരപ്പിള്ളി സ്വദേശി പിടിയില്. വരന്തരപ്പിള്ളി പൗണ്ട് വിരുത്തി വീട്ടില് രമേഷ് (53) ആണ് പിടിയിലായത്.
തൃശൂര്: ഞാവല് ഇട്ട് വാറ്റിയ ചാരായം ഓട്ടോറിക്ഷയില് കടത്തുകയായിരുന്ന വരന്തരപ്പിള്ളി സ്വദേശി പിടിയില്. വരന്തരപ്പിള്ളി പൗണ്ട് വിരുത്തി വീട്ടില് രമേഷ് (53) ആണ് പിടിയിലായത്. തൃശൂര് കണ്ണംകുളങ്ങര ടിബി റോഡില് വച്ചായിരുന്നു അറസ്റ്റ്. 5 ലിറ്റര് ചാരായം ഇയാളില് നിന്നും പിടികൂടി. ചാരായം കടത്തുന്നതിന് ഉപയോഗിച്ച ഓട്ടോറിക്ഷയും തൃശൂര് റേഞ്ച് എക്സൈസ് സംഘം പിടികൂടി. ഇയാൾ കൊളുക്കുള്ളിയില് വീട് വാടകയ്ക്ക് എടുത്താണ് ചാരായം വില്പന നടത്തിയിരുന്നതെന്ന് എക്സൈസ് സംഘം പറഞ്ഞു. ഞാവല് ഇട്ട ചാരായം ഒരു കുപ്പി 1000 രൂപയ്ക്കാണ് ഇയാള് വില്പന നടത്തിയിരുന്നത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam