ഭാര്യയെ വീട്ടുകാരുടെ മുന്നിൽ മർദ്ദിച്ചു, കണ്ടുനിന്ന ബന്ധുക്കൾ ചോദ്യം ചെയ്തു; യുവാവ് ഭാര്യയുടെ വീടിന് തീയിട്ടു

ഭാര്യയെ മർദിച്ചത് ചോദ്യം ചെയ്തതിലുള്ള പ്രകോപനത്തിൽ ഭർത്താവ് ഭാര്യയുടെ വീടിന് തീയിട്ടു. കോഴിക്കോട് കാരശേരിയിൽ നടന്ന സംഭവത്തിൽ മുക്കം സ്വദേശിയായ റാഷിദിനെ പൊലീസ് അറസ്റ്റ് ചെയ്തു. ആക്രമണത്തിൽ വീടിൻ്റെ അടുക്കള ഭാഗം പൂർണമായി കത്തിനശിച്ചു.

കോഴിക്കോട്: ഭാര്യയെ ആക്രമിച്ചത് ചോദ്യം ചെയ്തതിന് ഭർത്താവായ യുവാവിൻ്റെ പ്രതികാരം. മുക്കം സ്വദേശിയായ റാഷിദ്, ഭാര്യയുടെ വീടിന് തീയിട്ടു. കോഴിക്കോട് കാരശേരി വലിയ പറമ്പിലാണ് സംഭവം. വീടിൻ്റെ അടുക്കള ഭാഗം പൂർണമായി കത്തിനശിച്ചു. വീട്ടുകാരുടെ പരാതിയിൽ റാഷിദിനെ പൊലീസ് അറസ്റ്റ് ചെയ്തു. കഴിഞ്ഞ ദിവസം യുവതിയെ വീട്ടുകാരുടെ മുൻപിൽ വച്ച് റാഷിദ് മർദിച്ചിരുന്നു. ഇത് യുവതിയുടെ വീട്ടുകാർ ചോദ്യം ചെയ്തതാണ് പ്രകോപനത്തിന് കാരണം.