കോഴിക്കോട് മൂന്ന് വാഹനങ്ങള്‍ കൂട്ടിയിടിച്ചു; സ്‌കൂട്ടര്‍ യാത്രികന് ദാരുണാന്ത്യം

ജോലി കഴിഞ്ഞ് വീട്ടിലേക്ക് സ്‌കൂട്ടറില്‍ പോവുകയായിരുന്ന കുറ്റിക്കാട്ടൂര്‍ സ്വദേശിയാണ് അപകടത്തില്‍ മരിച്ചത്.

കോഴിക്കോട്: കോഴിക്കോട് ജില്ലയിലെ ചാത്തമംഗലത്ത് മൂന്ന് വാഹനങ്ങള്‍ തമ്മില്‍ കൂട്ടിയിടിച്ചുണ്ടായ അപകടത്തില്‍ ഒരാള്‍ മരിച്ചു. കുറ്റിക്കാട്ടൂര്‍ സ്വദേശി ആലി(49) ആണ് മരിച്ചത്. ചാത്തമംഗലത്ത് നിന്ന് ജോലി കഴിഞ്ഞ് വീട്ടിലേക്ക് സ്‌കൂട്ടറില്‍ പോകും വഴിയാണ് അപകടം. 

ആര്‍ടിഒ ഓഫീസ് ടെസ്റ്റ് ഗ്രൗണ്ടിന് സമീപത്ത് വച്ചാണ് അപകടമുണ്ടായത്. മൂന്ന് വാഹനങ്ങള്‍ തമ്മില്‍ കൂട്ടിയിടിച്ച് സ്കൂട്ടര്‍ ഓടിച്ചിരുന്ന അലിക്ക് ഗുരുത പരിക്ക് ഏല്‍ക്കുകയായിരുന്നു. സ്‌കൂട്ടറില്‍ ഒപ്പം ഉണ്ടായിരുന്ന കലാം എന്നയാള്‍ നിസാര പരുക്കുകളോടെ രക്ഷപ്പെട്ടു. ജുമൈലയാണ് ആലിയുടെ ഭാര്യ. രണ്ട് പെണ്‍മക്കളുണ്ട്.