കുറുക്കന്റെ ആക്രമണത്തില് ഗൃഹനാഥന് കഴുത്തിന് പരിക്കേറ്റു
Synopsis
നാദാപുരം ചിയ്യൂരില് പട്ടാപ്പകല് കുറുക്കന്റെ ആക്രമണത്തില് ഗൃഹനാഥന് പരിക്ക്. കഴുത്തിന് കടിയേറ്റ ശ്രീധരനെ ആശുപത്രിയില് പ്രവേശിപ്പിച്ചു.
കോഴിക്കോട്: പട്ടാപ്പകല് കുറുക്കന്റെ ആക്രമണത്തില് ഗൃഹനാഥന് പരിക്കേറ്റു. നാദാപുരം ചിയ്യൂരിലാണ് നാടിനെ ആശങ്കയിലാഴ്ത്തിയ സംഭവമുണ്ടായത്. തയ്യില് ശ്രീധര(60)നാണ് പരിക്കേറ്റത്. കഴുത്തിന് കടിയേറ്റ് സാരമായി പരിക്കേറ്റ ശ്രീധരനെ നാദാപുരം താലൂക്ക് ആശുപത്രിയില് പ്രഥമ ചികിത്സ നല്കിയ ശേഷം കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി.
വീടിന് സമീപത്തെ റോഡില് വച്ചാണ് ശ്രീഥരന് കടിയറ്റത്. കടിയേറ്റതിന് പിന്നാലെ കുറുക്കനെ കീഴ്പ്പെടുത്തിയ ശ്രീധരന് നാട്ടുകാരെ വിവരമറിയിക്കുയും ഓടിക്കൂടിയ നാട്ടുകാര് കുറുക്കനെ കൊല്ലുകയും ചെയ്തു. പ്രദേശത്തെ കാടുമൂടിയ വഴികളിലും കൃഷിയിടങ്ങളിലും കുറുക്കന്മാരുടെ ശല്യം രൂക്ഷമാണെന്ന് നാട്ടുകാര് ആരോപിച്ചു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam