ചേര്ത്തലയില് ഹോസ്റ്റല് മുറിയില് വിദ്യാര്ഥിനി മരിച്ചനിലയില്
Synopsis
രാവിലെ എഴുന്നേല്ക്കാത്തതിനെ തുടര്ന്ന് നോക്കിയപ്പോഴാണ് മരണമറിയുന്നത്.അപസ്മാരം സംബന്ധമായ അസുഖത്തിന് ചികിത്സയിലുള്ളതാണെന്നാണ് ബന്ധുക്കളും കോളേജ് അധികൃതരും നല്കുന്ന വിവരം.
ചേര്ത്തല: ചേര്ത്തലയിലെ (cherthala) സ്വകാര്യ ഫാര്മസി കോളേജിലെ ഹോസ്റ്റല് മുറിയില് വിദ്യാര്ഥിനി മരിച്ചനിലയില് കണ്ടെത്തി (Dead Body Found).പത്തനംതിട്ട റാന്നി അങ്ങാടി പഞ്ചായത്ത് പുതുവേല് വര്ഗീസ് ചെറിയാന്റെ മകള് കാസിയ മേരിചെറിയാന് (22)ആണ് മരിച്ചത്.കോളേജിലെ അഞ്ചാം വര്ഷ ഫാംഡി വിദ്യാര്ഥിനിയാണ്.തിങ്കളാഴ്ച രാത്രി കൂട്ടുകാര്ക്കൊപ്പം മുറിയില് ഭക്ഷണം കഴിഞ്ഞ് ഉറങ്ങാന് കിടന്നതാണ്.
രാവിലെ എഴുന്നേല്ക്കാത്തതിനെ തുടര്ന്ന് നോക്കിയപ്പോഴാണ് മരണമറിയുന്നത്.അപസ്മാരം സംബന്ധമായ അസുഖത്തിന് ചികിത്സയിലുള്ളതാണെന്നാണ് ബന്ധുക്കളും കോളേജ് അധികൃതരും നല്കുന്ന വിവരം. ഒരാഴ്ച മുമ്പാണ് വീട്ടില് പോയി തിരികെ ഹോസ്റ്റലിലെത്തിയത്.
കോളേജ് അധികൃതര് അറിയിച്ചതിനെ തുടര്ന്ന് ചേര്ത്തല പോലീസ് എത്തി നടപടികള് സ്വീകരിച്ചു.മൃതദേഹം താലൂക്ക് ആശുപത്രി മോര്ച്ചറിയില്.കോവിഡ് പരിശോധനക്കുശേഷം ആലപ്പുഴ മെഡിക്കല് കോളേജില് പോസ്റ്റുമോര്ട്ടത്തിനു ശേഷം ബന്ധുക്കള്ക്കു വിട്ടുനല്കും.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam