കുടുംബ പ്രശ്നം; ആത്മഹത്യക്ക് ശ്രമിച്ച യുവാവിനെ പൊലീസ് സാഹസികമായി രക്ഷപ്പെടുത്തി

കുടുംബ പ്രശ്നങ്ങളെ തുടർന്ന് യുവാവ്  വാതിലുകൾ അടച്ചുപൂട്ടി ഗ്യാസ് തുറന്നുവിട്ടു തീ കൊളുത്തുകയായിരുന്നു.   

ഹരിപ്പാട്: ആത്മഹത്യക്ക് ശ്രമിച്ച യുവാവിനെ പൊലീസ് സാഹസികമായി രക്ഷപ്പെടുത്തി. ചിങ്ങോലി സംഗമം ജംഗ്ഷന് സമീപം കഴിഞ്ഞ ദിവസം രാത്രി 9മണിയോടെയാണ് സംഭവം. കുടുംബ പ്രശ്നങ്ങളെ തുടർന്ന് യുവാവ് വാതിലുകൾ അടച്ചുപൂട്ടി ഗ്യാസ് തുറന്നുവിട്ടു തീ കൊളുത്തുകയായിരുന്നു. 

സംഭവം അറിഞ്ഞ് സ്ഥലത്തെത്തിയ കരീലകുളങ്ങര പൊലീസ് വാതിൽ തകർത്ത് ഉള്ളിൽ കയറി ഇയാളെ പുറത്തിറക്കി. ഈ സമയവും ഗ്യാസ് സിലിണ്ടറിൽ തീ പടരുകയായിരുന്നു. ഉടൻ ഹരിപ്പാട് നിന്നും ഫയർ ഫോഴ്സ് എത്തി ഗ്യാസ് സിലിണ്ടർ മാറ്റി. യുവാവിനെ പൊലീസ് കസ്റ്റഡിയിലെടുത്തിട്ടുണ്ട്.