സൈലന്‍റ് വാലിയിൽ ആനയെ വെടിവെച്ച് കൊന്ന കേസിലെ മുഖ്യപ്രതി പിടിയിൽ

ആനയെ വെടിവെച്ചു കൊന്ന ശേഷം രണ്ടര മാസമായി റാഫേല്‍ ഒളിവിലായിരുന്നു.  

മലപ്പുറം: സൈലന്‍റ് വാലി വനമേഖലയിൽ വച്ച് ആനയെ വെടിവെച്ച് കൊന്ന് കൊമ്പ് മുറിച്ചെടുത്ത കേസിലെ മുഖ്യപ്രതി അറസ്റ്റില്‍. മലപ്പുറം പാണ്ടിക്കാട് സ്വദേശി റാഫേലിനെയാണ് മഞ്ചേരിയിൽനിന്ന് വനംവകുപ്പ് ഉദ്യോഗസ്ഥര്‍ പിടികൂടിയത്. റഫേലിന്‍റെ വീടിന് സമീപത്തെ കിണറില്‍നിന്ന് ആനക്കൊമ്പ് കണ്ടെടുത്തു. രണ്ടരമാസമായി റാഫേല്‍ ഒളിവിലായിരുന്നു.