കുരുന്നുകളുടെ കരുതൽ; സൈക്കിള് വാങ്ങാനായി കൂട്ടിവച്ച തുക ദുരിതാശ്വാസ നിധിയിലേക്ക് നല്കി
Synopsis
കോഴിക്കോട് ജില്ലാ കലക്ടര് സാംബശിവ റാവുവിന്റെ ചേംബറില് രക്ഷിതാവിനൊപ്പം നേരിട്ടെത്തി കുട്ടികള് തുക കൈമാറി.
കോഴിക്കോട്: കൊവിഡ് ഭീതിയില് സംസ്ഥാനമാകെ കടുത്ത സാമ്പത്തിക പ്രതിസന്ധി നേരിടുകയാണ്. ഈ മഹാമാരിയില് നിന്നും കരകയറാനായി സര്ക്കാരിന്റെ പ്രതിരോധപ്രവര്ത്തനങ്ങള്ക്ക് ശക്തിപകരായി മുഖ്യമന്ത്രിയുടെ ദുരിതാശ്വാസ നിധിയിലേക്ക് നിരവധി പേര് പണം അയക്കുന്നുണ്ട്. ഈ ദുരിത കാലത്തുനിന്നും കരകയറാനായികോഴിക്കോട് നിന്നും രണ്ട് കുരുന്നുകളുടെ കരുതൽ ദുരിതാശ്വാസ നിധിയിലേക്ക് എത്തി.
കോഴിക്കോട് ഒളവണ്ണ കൊടിനാട്ടുമുക്ക് സ്വദേശി ലിപിന് ദാസിന്റെ മക്കളായ അലന് ജോസ് (8), അവന്തിക (നാലര) എന്നിവര് സൈക്കിള് വാങ്ങാനായി കൂട്ടി വച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കി. 2000 രൂപയാണ് കുട്ടികള് ദുരിതാശ്വാസ നിധിയിലേക്ക് നല്കിയത്. കോഴിക്കോട് ജില്ലാ കലക്ടര് സാംബശിവ റാവുവിന്റെ ചേംബറില് രക്ഷിതാവിനൊപ്പം നേരിട്ടെത്തിയാണ് ഇരുവരും തുക കൈമാറിയത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam