മധ്യവയസ്കനെ ദുരൂഹ സാഹചര്യത്തിൽ കൊല്ലപ്പെട്ട നിലയിൽ കണ്ടെത്തി

വെട്ടൂരിൽ മധ്യവയസ്കനെ ദുരൂഹ സാഹചര്യത്തിൽ കൊല്ലപ്പെട്ട നിലയിൽ കണ്ടെത്തി. അയിരൂർ സ്വദേശി ബാബു(60)നെ ഇന്നലെ (29.8.2018) രാവിലെ വെട്ടൂർ കടപ്പുറത്തെ മീൻ ഷെഡിൽ കൊല്ലപ്പെട്ട നിലയിൽ കണ്ടെത്തിയത്. ബാബുവിന്‍റെ മുഖത്ത് മർദ്ദനമേറ്റ പാടുകളും  മുറിവുകളുമുണ്ട്. 

തിരുവനന്തപുരം: വെട്ടൂരിൽ മധ്യവയസ്കനെ ദുരൂഹ സാഹചര്യത്തിൽ കൊല്ലപ്പെട്ട നിലയിൽ കണ്ടെത്തി. അയിരൂർ സ്വദേശി ബാബു(60)നെ ഇന്നലെ (29.8.2018) രാവിലെ വെട്ടൂർ കടപ്പുറത്തെ മീൻ ഷെഡിൽ കൊല്ലപ്പെട്ട നിലയിൽ കണ്ടെത്തിയത്. ബാബുവിന്‍റെ മുഖത്ത് മർദ്ദനമേറ്റ പാടുകളും  മുറിവുകളുമുണ്ട്. 

അയിരൂർ സ്വദേശിയാണെങ്കിലും 4 വർഷത്തോളമായി ബാബു വെട്ടൂരാണ് താമസിക്കുന്നത്. തെങ്ങ് കയറ്റവും മരം മുരിപ്പുമൊക്കെയാണ് ബാബുവിന്‍റെ തൊഴിൽ. ബാബുവിന് അയിരൂരിൽ ശകുന്തള എന്നയും മടവൂരിൽ സുഗന്തിയെന്നും പേരുള്ള രണ്ട് ഭാര്യമാരും മക്കളും ഉണ്ടെന്ന് നാട്ടുകാർ പറഞ്ഞു. ഈ കഴിഞ്ഞ ബലിപെരുന്നാളിന്‍റെ തലേ ദിവസം ബാബവും മറ്റ് രണ്ടു പേരും തമ്മില്‍ വഴക്ക് ഉണ്ടാവുകയും അത് സംബന്ധിച്ച് പോലീസ് സ്റ്റേഷനില്‍ കേസ് ഉണ്ട്. സംഭവുമായി ബന്ധപ്പെട്ട് അന്വേഷണം നടക്കുന്നുണ്ട്. 

വർക്കല സി. ഐ കെ.വിനു കുമാറിന്‍റെ നേതൃത്വത്തിൽ ഇൻക്വസ്‌റ് നടപടികൾ നടന്നു. ഡോഗ് സ്‌ക്വാഡ്, ഫോറൻസിക് വിദഗ്ധർ പോലീസ് ഉദ്യോഗസ്ഥർ എന്നിവർ പരിശോധനകൾ നടത്തി വരുന്നു. മൃതദേഹം തിരുവനന്തപുരം മെഡിക്കൽ കോളേജ് ആശുപത്രിയിൽ പോസ്റ്റ്മോർട്ടം ചെയ്തു.